नवी दिल्ली । आज 1 मे आहे. दर महिन्याच्या पहिल्या तारखेला काही महत्वाचे बदल होत असतात. त्याचप्रमाणे आज १ मे पासून अनेक गोष्टींमध्ये बदल झाला आहे. या बदललेल्या नियमांमुळे काही ठिकाणी सामान्य नागरिकांच्या खिशाला झळ बसू शकते. सर्व बदललेले नियम आज म्हणजेच १ मे पासून लागू करण्यात आले आहेत. नेमके कोणते नियम बदलले आहेत ते घ्या जाणून..
सिलिंडरचे दर 19 रुपयांनी कमी झाले
जसजसा दिवस उजाडला, म्हणजे 1 मे रोजी, 14 किलो सिलिंडरच्या किमतीत कोणतीही वाढ झालेली नाही. तर व्यावसायिक सिलिंडरच्या किमतीत १९ रुपयांनी कपात करण्यात आली आहे.
या बँकांनी सेवा शुल्कात वाढ
खाजगी क्षेत्रातील सर्वात मोठी बँक ICICI ने आधीच जाहीर केले होते की 1 मे पासून ग्राहकांना अनेक गोष्टींसाठी जास्त शुल्क द्यावे लागणार आहे. यामध्ये चेक बुक, IMPS, ECS/NACH डेबिट रिटर्न, स्टॉप पेमेंट शुल्क इत्यादी सेवांचा समावेश आहे. इतकंच नाही तर ICICI बँकेच्या वेबसाईटनुसार हे बदल 1 मे 2024 पासून लागू होतील. याशिवाय डेबिट कार्डचे वार्षिक शुल्क 200 रुपये असेल. तर ग्रामीण भागासाठी ते वर्षाला ९९ रुपये असेल.
येस बँकेनेही बदल केले आहेत
येस बँकेबद्दल बोलायचे झाले तर अनेक प्रकारचे शुल्क बदलण्यात आले आहे. बचत खात्यातील किमान शिल्लक रक्कम वाढवण्यात आली आहे. येस बँकेच्या बचत खात्याच्या प्रो मॅक्समध्ये किमान सरासरी ५० हजार रुपये शिल्लक ठेवणे बंधनकारक करण्यात आले आहे. नियमांचे पालन न केल्यास, जास्तीत जास्त 1,000 रुपये शुल्क आकारले जाईल. तर सेव्हिंग अकाउंट प्रो प्लसमध्ये 25 हजार रुपये किमान सरासरी शिल्लक राखणे अनिवार्य करण्यात आले आहे. बदललेले नियम 1 मे 2024 पासून लागू केले जातील. नियमांचे पालन न करणाऱ्यांना 750 रुपये दंड भरावा लागेल.
मे महिन्यात 14 दिवस बँकां बंद
मे 2024 मध्ये बँकांना बंपर सुट्ट्या आहेत. संपूर्ण महिन्यात एकूण 14 दिवस बँकांमध्ये कोणतेही काम होणार नाही. बँकेला सुट्टी असेल. रिझर्व्ह बँक ऑफ इंडिया (RBI) च्या बँक सुट्टीच्या यादीनुसार, मे महिन्यात येणाऱ्या या सुट्ट्यांमध्ये अक्षय्य तृतीया, महाराष्ट्र दिन, रवींद्रनाथ टागोर जयंती आणि इतर सुट्ट्यांचा समावेश आहे. यात दुसऱ्या आणि चौथ्या शनिवार व्यतिरिक्त या सुट्यांमध्ये रविवारच्या साप्ताहिक सुट्टीचाही समावेश आहे.
IDFC बँक नियमात बदल
आयडीएफसी बँकेच्या क्रेडिट कार्डच्या मदतीने तुम्ही बील देणं महागणार आहे. फोन बील, वीजबील, इंटरनेट बील, केबल सर्व्हिस, पाणीबील आदी बील तुम्ही क्रेडिट कार्डने देत असाल तर तुम्हाला त्यासाठी अतिरिक्त शुल्क मोजावे लागेल. फस्ट प्रायव्हेट क्रेडिट कार्ड, एलआयसी क्लासिक क्रेडिट कार्ड, एलआयसी सिलेक्ट क्रेडिट कार्ड यासाठी मात्र हा नियम लागू नसेल.
