---Advertisement---
भुसावळ : प्रवाशांची सुरक्षित लक्षात घेत “यात्री सुरक्षा ऑपरेशन” अंतर्गत रेल्वे संरक्षण दल (RPF) आणि GRP द्वारे विशेष मोहीम राबविण्यात येत आहे. यानुसार बुधवारी (११ जून ) रोजी मोबाईल चोरणाऱ्या तिघांना वेगवेगळ्या प्रकरणांमध्ये अटक करण्यात आली आहे.
भुसावळ रेल्वे स्टेशनच्या मुसाफिर खाना येथून रविवार (८ जून ) रोजी एका प्रवाशाची बॅग चोरांनी लांबवली होती. या चोरीच्या तपासादरम्यान, सीसीटीव्ही फुटेजमधून दोन संशयित व्यक्तींची ओळख पटवण्यात आली. गुप्त माहितीच्या आधारे, ११ जून रोजी सकाळी ११:३० वाजता, आरपीएफचे एचसी नीलेश अडवाल, एचसी जोगेंद्र नेरपगार, एचसी महेंद्र कुशवाह, सीटी भूषण पाटील आणि जीआरपीचे एचसी प्रवीण लुले आणि सीटी बाबू मिर्झा यांच्या संयुक्त पथकाने जुन्या नगरपालिका परिसरात शोध घेत असताना दोन जणांना ताब्यात घेतले.
---Advertisement---
चौकशीदरम्यान संदीप पुरुषोत्तम कांबळे (वय १९ वर्षे रा. गार्ड लाईन, भुसावळ) शेख इब्राहिम शेख नूरवेग (वय ३० वर्षे रा. मिल्लत नगर, भुसावळ) दोघांनीही चोरीची कबुली दिली. प्रवासी कॅन्टीनमधून एक ओप्पो मोबाईल (₹३९,९९९ किमतीचा) चोरला होता. या आधारावर, त्यांच्याविरुद्ध गुन्हा क्रमांक २५२/२०२५, कलम ३०३ (२) बीएनएस अंतर्गत गुन्हा दाखल करण्यात आला आणि त्यांना जीआरपी भुसावळकडे सोपवण्यात आले.
कॅन्टीनमध्ये संशयित पकडला गेला त्याच दिवशी संध्याकाळी ५ वाजताच्या सुमारास, सीपीडीएस ड्युटीवर तैनात असलेले प्रा. ए. महेंद्र कुशवाह, कॉन्स्टेबल भूषण पाटील (आरपीएफ), पोहा विशाल चौधरी आणि पोका बाबू मिर्झा (जीआरपी) यांना स्टेशनच्या प्रवासी कॅन्टीनमध्ये एक व्यक्ती संशयास्पद स्थितीत फिरताना आढळली. चौकशीदरम्यान, त्याने कोणतेही समाधानकारक उत्तर दिले नाही.
त्याला आरपीएफ चौकीत आणण्यात आले आणि एएसआय दीपक तायडे यांनी त्याची कसून चौकशी केली. त्यात त्याने आपले नाव संजय प्रभाकर पानसारी (वय ५९ वर्षे), रा. जगत नगर, अहमदाबाद, गुजरात असे सांगितले. त्याच्या झडतीदरम्यान, त्याच्या पँटच्या खिशातून एक विवो वाय२०जी (१६,००० रुपये किमतीचा) मोबाईल सापडला. चौकशीदरम्यान, त्याने दुपारी ३ वाजता मुसाफिर खानामध्ये झोपलेल्या प्रवाशाच्या खिशातून हा मोबाईल चोरल्याचे कबूल केले. जीआरपीने गुन्हा क्रमांक २५७/२०२५, कलम ३०३ (२) बीएनएस अंतर्गत गुन्हा दाखल केला आणि आरोपीला ताब्यात दिले.
