---Advertisement---
Gold Price Today : आज बुधवारी सोन्याच्या दरात पुन्हा वाढ झाली आहे. आज देशात २४ कॅरेट सोने १,०२,००० रुपये प्रति १० ग्रॅम दराने आहे. तर २२ कॅरेट सोने ९३,८६० रुपये दराने आहे. दरम्यान, भारतीय रिझर्व्ह बँकेने (RBI) रेपो दरात कोणताही बदल न केल्यामुळे सोन्याच्या किमती पुन्हा वाढल्याचे बोलले जात आहे.
RBI च्या चलनविषयक धोरण समितीच्या (MPC) तीन दिवसांच्या बैठकीनंतर, गव्हर्नर संजय मल्होत्रा यांनी दरांमध्ये कोणताही बदल न करण्याची घोषणा केली आहे, तर यूएस फेडरल रिझर्व्हने देखील दर कमी करण्यास नकार दिला आहे. याशिवाय, अमेरिकेचे अध्यक्ष डोनाल्ड ट्रम्प यांनी २५% कर लावण्याचा आणि रशियाकडून तेल खरेदी करण्यावर बंदी घालण्याचा सततचा इशारा दिल्याने जागतिक बाजारपेठेत अस्थिरता निर्माण झाली आहे.
देशभरातील प्रमुख शहरांमधील आजच्या सोन्याच्या किमतींवर नजर टाकल्यास, दिल्लीमध्ये २४ कॅरेट सोने प्रति १० ग्रॅम १,०२,३८० रुपये आणि २२ कॅरेट सोने ९३,८६० रुपये विकले जात आहे. अहमदाबाद आणि पटनामध्ये २४ कॅरेट सोने १,०२,२८० रुपये आणि २२ कॅरेट सोने ९३,७६० रुपये उपलब्ध आहे.
आर्थिक राजधानी मुंबई, हैदराबाद, चेन्नई, बेंगळुरू आणि कोलकातामध्ये २४ कॅरेट सोन्याची किंमत १,०२,२३० रुपये आणि २२ कॅरेट सोन्याची किंमत ९३,७१० रुपये प्रति १० ग्रॅम आहे.
