भारतीय क्रिकेट संघातील सर्वात यशस्वी कर्णधारांपैकी एक म्हणजे महेंद्रसिंग धोनी. ऑगस्ट 2020 मध्ये आंतरराष्ट्रीय क्रिकेटला अलविदा केला होता. धोनीने त्याच वर्षी 15 ऑगस्ट रोजी आयपीएल सुरू होण्यापूर्वी निवृत्तीची घोषणा करून सर्वांना आश्चर्यचकित केले. त्या दिवशी संपूर्ण देश हळहळला होता. पण धोनीला तो शेवटचा सामना खेळणार होता हे एक वर्ष आधीच माहीत होतं. त्याची आंतरराष्ट्रीय क्रिकेट कारकीर्द संपली आहे हे त्याला फार पूर्वीच माहीत होते, पण त्याने औपचारिकपणे खूप उशीरा त्याची घोषणा केली. याबाबत धोनीने नुकताच खुलासा केला आहे.
धोनीच्या नेतृत्वाखाली भारताने २०११ मध्ये एकदिवसीय विश्वचषक जिंकला होता. याआधी धोनीच्या नेतृत्वाखाली भारताने 2007 साली टी-20 विश्वचषक जिंकला होता. 2013 मध्ये भारताने धोनीच्या नेतृत्वाखाली ICC चॅम्पियन्स ट्रॉफी जिंकली होती. भारतीय संघाने जिंकलेली ही शेवटची आयसीसी स्पर्धा आहे.
धोनीने टीम इंडियासाठी शेवटचा सामना 2019 मध्ये न्यूझीलंड विरुद्ध मँचेस्टरमध्ये खेळला, जो विश्वचषक-2019 चा उपांत्य सामना होता. या सामन्यात धोनी धावबाद झाला आणि त्याच्यासोबत संघाच्या विजयाच्या आशाही संपुष्टात आल्या. धोनीने नुकतेच एका कार्यक्रमात सांगितले की, त्याला त्यावेळी समजले होते की, तो शेवटचा आंतरराष्ट्रीय सामना खेळला होता, पण वर्षभरानंतर त्याने निवृत्ती घेतली. धोनी म्हणाला की अशा वेळी खूप भावना असतात कारण तुम्हाला माहित आहे की तुम्ही पुन्हा देशाचे प्रतिनिधित्व करणार नाही. धोनी म्हणाला की, प्रत्येक खेळाडूसाठी ही मोठी गोष्ट आहे, मग तो कोणत्याही खेळाचा असो.
धोनी 15 ऑगस्ट 2020 रोजी निवृत्त झाला. त्यानंतर कोविड युग आले आणि ही लीग दुबईमध्ये खेळली गेली. आंतरराष्ट्रीय क्रिकेटला अलविदा करणारा धोनी या आयपीएलनंतर पूर्णपणे क्रिकेट सोडेल, असे सर्वांना वाटत होते पण धोनीने तसे केले नाही. तो सतत आयपीएल खेळत असून चेन्नई सुपर किंग्जचे नेतृत्व करत आहे. आंतरराष्ट्रीय क्रिकेटमधून निवृत्ती घेतल्यानंतर धोनीने 2021 आणि 2023 मध्ये चेन्नईला त्याच्या नेतृत्वाखाली दोनदा IPL विजेता बनवले.
MS Dhoni talking about his final day of International career.
– A sad day in indian cricket history…..!!!!pic.twitter.com/QqaRCsYzIO
— Johns. (@CricCrazyJohns) October 26, 2023
