Viral video : सोशल मीडियावर तरुण-तरुणीमध्ये भांडण होत असल्याचे व्हिडिओ आपण पाहिले असलेच. जळगावातही अश्याच एका घटनेचा व्हिडिओ व्हायरल झाला आहे. तरुणीने तरुणावर चाकू हल्ला करून जखमी केल्याचे दिसते आहे. मात्र या व्हिडीओ संदर्भात अद्याप पोलिसांनी कोणतीही कारवाई केली नसल्याचे समोर आले आहे. त्यामुळे हे तरुण-तरुणी नेमके कोण आणि कशावरून वाद झाला, याबाबत माहिती नाही.
जळगाव शहरातील अजिंठा चौकात हा प्रकार रविवारी घडला आहे. भरदिवसा एका तरुणीने शिवीगाळ करून एका तरुणावर चाकूहल्ला करण्याचा प्रयत्न केला. एक तरुण आणि तरुणीचा भर चौकात गोंधळ सुरु होता. यावेळी त्या दोघांमधील वाद वाढत गेल्यानंतर काही वेळाने तरुणीने आपल्याकडचा छोटा चाकू काढून तरुणाच्या छातीत वार केला. यात तरुण गंभीर जखमी झाला असून या घटनेचा व्हिडीओ मात्र सोशल मीडियावर चांगलाच व्हायरल झाला. सुमारे अर्धा ते पाऊण तास हा गोंधळ सुरु होता. मात्र पोलिस ठाण्यात अद्यापही या घटनेबाबत कुठलीच नोंद नव्हती.
व्हायरल व्हिडिओत काय दिसतंय ?
एक तरुणी हातात चाकू घेऊन आपल्या सोबतच्या तरुणाला रागाने बोलत आहे. तर याच सुमारास या तरुणीने तरुणाच्या छातीवर चाकूने वार केल्याचे दिसत आहे. त्यामुळे अंगातील शर्ट पूर्ण लाल झाले आहे. काही मिनिटात हा तरुण देखील अंगातील शर्ट काढून टाकत आहे. तरुणीसोबत कोणत्याततरी कारणावरून वाद घालत आहे. दुसरीकडे तरुणी आपल्या हातातील चाकूच्या माध्यमातून पुन्हा पुन्हा वार करण्याचा प्रयत्न करत आहे. तर दुसऱ्या बाजूला असणाऱ्या मात्र व्हिडिओत नास दिसणारी एक महिला तरुणीला चाकू जमिनीवर टाकून देण्याची विंनती करत असल्याचे व्हिडिओतून ऐकू येत आहे. सद्यस्थितीत हा व्हिडीओ व्हायरल झाला असून याबाबत पोलिसांनी अद्याप कारवाई केली नसल्याचे समजते.
