क्रिकेटर विराट कोहली आणि त्याची पत्नी, अभिनेत्री अनुष्का शर्मा, नुकतेच वृंदावन धाममध्ये अध्यात्मिक गुरू प्रेमानंदजी महाराज यांच्या दर्शनासाठी पोहोचले. आपल्या दोन्ही मुलांसह—अकाय आणि वामिका—यांनी प्रेमानंदजींचा आशीर्वाद घेतला. या भेटीचा व्हिडीओ सध्या सोशल मीडियावर तुफान व्हायरल होत आहे.
अनुष्काच्या शब्दांनी प्रकट झाला भावनिक संवाद
या व्हिडीओमध्ये अनुष्का प्रेमानंदजी महाराजांशी संवाद साधताना दिसते. तिने सांगितले, “गेल्या वेळेस मी तुमच्या भेटीस आले तेव्हा माझ्या मनात अनेक प्रश्न होते. मात्र, इथे बसलेल्या प्रत्येक व्यक्तीने तेच प्रश्न विचारले. जणू माझा मनातूनच संवाद घडत होता.”
Virat Kohli and Anushka Sharma with their kids visited Premanand Maharaj. ❤️
– VIDEO OF THE DAY…!!! 🙏 pic.twitter.com/vn1wiD5Lfc
— Mufaddal Vohra (@mufaddal_vohra) January 10, 2025
महाराजांचे विराटसाठी विशेष शब्द
प्रेमानंदजी महाराजांनी विराटच्या खेळाला त्याची साधना आणि भक्ती म्हटले. त्यांनी विराटला उद्देशून सांगितले, “तुमच्या विजयाने संपूर्ण भारतातील लोक आनंदी होतात. हीच तुमची साधना आहे. अभ्यास महत्त्वाचा आहे.”
भक्तीच्या मार्गावर विराट-अनुष्का
ही काही पहिलीच वेळ नाही, जिथे विराट आणि अनुष्का अध्यात्मिक गुरूंच्या आश्रयाला गेले आहेत. यापूर्वी ते नीम करोली बाबा यांच्या कैंची धाममध्ये गेले होते, तसेच ऑक्टोबर 2024 मध्ये मुंबई आणि लंडनमधील कीर्तनांनाही हजेरी लावली होती.
