‘आम्ही जिंकलो ‘ : मनोज जरांगे पाटील यांची घोषणा

मराठा समाजाला आरक्षण मिळावे यासाठी आंदोलन उभे केले मनोज जरांगे पाटील आझाद मैदानावर उपोषणाला बसले आहेत. त्यांच्या उपोषणाचा मंगळवारी पाचवा दिवस आहे. यावेळी उद्या म्हणजेच बुधवारी सकाळपर्यंत आझाद मैदान रिकामे करण्यासाठी मुदत देण्यात आली होती. यानुसार त्यांना व त्यांच्या समर्थकांना उद्या सकाळपर्यंत आझाद मैदान सोडावे लागणार आहे.

उच्च न्यायालयाने मंगळवारी दुपारी ३ वाजेपर्यंत आझाद मैदान रिकामे करण्याचे आदेश दिले होते. त्याच्यातच राज्य सरकारने त्यांच्या सात मागण्यांपैकी पाच मागण्या मान्य केल्या आहेत. दोन मागण्या अपूर्ण आहेत. उद्या दुपारी १ वाजता उच्च न्यायालयात या प्रकरणाची पुन्हा सुनावणी होणार आहे. जरांगे गेल्या चार दिवसांपासून मुंबईत उपोषणावर होते.

उच्च न्यायालयाच्या आदेशानंतर महाराष्ट्र सरकारचे एक शिष्टमंडळही जरांगे यांना भेटण्यासाठी आझाद मैदानावर पाठविले होते. महाराष्ट्र सरकारचे चार मंत्री राधाकृष्ण विखे पाटील, शिवेंद्रराजे भोसले, जयकुमार गोरे आणि माणिकराव कोकाटे हे जरांगे यांना भेटण्यासाठी आझाद मैदानावर पोहोचले. चारही मंत्र्यांनी जरांगे पाटील यांना आरक्षणाबाबत समितीशी चर्चा करून सर्व माहिती दिली. त्यानंतर जरांगे यांनी आपण जिंकल्याचे जाहीर केले.

मनोज जरांगे यांच्या ५ मागण्या मान्य झाल्या

हैदराबाद संस्थान राजपत्र तात्काळ लागू केले जाईल, आज जीआर जारी केला जाईल. सातारा संस्थान राजपत्र एका महिन्यात लागू केले जाईल. आजपर्यंत मराठा आंदोलकांवर दाखल झालेले सर्व गुन्हे मागे घेतले जातील, सरकार न्यायालयात जाऊन खटले रद्द करेल. मराठा आरक्षणासाठी मृत्युमुखी पडलेल्यांच्या कुटुंबियांना आर्थिक लाभ दिले जातील आणि कुटुंबातील एका सदस्याला सरकारी नोकरी मिळेल. ५८ लाख मराठा कुणबींची नोंद आहे. ही नोंद ग्रामपंचायतीत ठेवली जाईल. या पाच मागण्या पूर्ण करण्यात आल्या. तर कुणबी आणि मराठा एक आहेत हे सिद्ध करण्यासाठी सरकार अभ्यास करेल. त्यावर ते दोन महिन्यांत निर्णय घेईल. ‘सगे सोयरे’ लागू करण्यासाठी ८ लाख हरकती प्राप्त झाल्या होत्या. त्याचा अभ्यास करून निर्णय घेतला जाईल या दोन मागण्या प्रलंबित आहेत.