Sonam Raghuvanshi : मेघालयातील हनिमून हत्याकांड प्रकरणात धक्कादायक अपडेट समोर येत आहेत. पत्नी सोनम हिनेच पती राजा याला सुपारी देऊन संपवल्याचा संशय व्यक्त केला जात आहे. याप्रकरणात सोनमसह चार जणांना अटक करण्यात आली असून, पोलिसांकडून त्यांची कसून चौकशी केली जात आहे.
पती राजा रघुवंशी याचा मृतदेह सापडल्यानंतर पत्नी सोनम हीचा शोध घेतला जात होता. दरम्यान, बेपत्ता असलेल्या सोनमला रविवारी संध्याकाळी उत्तर प्रदेशातील गाजीपूर जिल्ह्यात अटक करण्यात आली.
मेघालयचे डीजीपी नोंगरांग यांनी सांगितले की, याप्रकरणी पत्नीसह चार जणांना अटक करण्यात आली आहे. मेघालयचे मुख्यमंत्री कॉनराड संगमा यांनी ‘एक्स’ वर लिहिले की, ‘राजा हत्याकांड प्रकरणात पोलिसांना सात दिवसांत मोठे यश मिळाले आहे. मध्य प्रदेशातील तीन संशयितांना अटक करण्यात आली असून, महिलेने आत्मसमर्पण केले आहे.
दरम्यान, पत्नी सोनम हिनेच पती राजा याला सुपारी देऊन संपवल्याचा संशय व्यक्त केला जात आहे. याप्रकरणात सोनमसह चार जणांना अटक करण्यात आली असून, पोलिसांकडून त्यांची कसून चौकशी केली जात आहे.
सोनम वारंवार राजापासून जात होती लांब
सीसीटीव्ही व्हिडिओत पत्नी सोनम आणि पती राजा स्कूटीवर फिरायला जात असल्याचे दिसत आहे. मात्र, सोनम ही मोबाईल घेऊन स्कूटीपासून थोडी दूर जात असल्याचे दिसत आहे. तिला कुणाला तरी फोन करायचा होता किंवा ती फोनवर काहीतरी करण्याचा प्रयत्न करत होती. ती दोन वेळा स्कूटीजवळून फोन घेऊन लांब जाताना दिसत आहे. तसेच अस्वस्थ देखील दिसत आहे.
राजा-सोनम कुठे कठे फिरले ?
२० मे – इंदूरचे वाहतूक व्यावसायिक राजा रघुवंशी हे त्यांच्या पत्नी सोनमसोबत मेघालयात हनिमूनसाठी गेले होते.
२२ मे – हे जोडपे सोहराला निघाले. शिलाँगमधील सागर सेन समल येथून ४ दिवसांसाठी बाईक भाड्याने घेतली.
२२ मे – संध्याकाळी, हे जोडपे मावळखैत गावात फिरले. एका मार्गदर्शकाच्या मदतीने ते नोंगरियात गावातील डबल-डेकर पुलाकडे निघाले.
२३ मे – गावप्रमुखांनी पोलिसांना कळवले की गोल्डन पाइन्स ढाबाजवळ एक बेवारस बाईक उभी आहे, ज्याच्या चाव्या आहेत.
२४ मे – या जोडप्याचा त्यांच्या कुटुंबाशी संपर्क तुटला. कुटुंबाने गुगलवर शोध घेतला आणि ज्या व्यक्तीने अॅक्टिवा भाड्याने दिली होती त्याची माहिती मिळाली.
२७ मे – मंत्री कैलाश विजयवर्गीय यांनी गृहमंत्री अमित शहा यांना माहिती दिली. मुख्यमंत्री डॉ. मोहन यादव यांनी मेघालयाच्या मुख्यमंत्र्यांशी बोलले.
२७ मे – संध्याकाळी पोलिसांच्या शोध मोहिमेदरम्यान, डोंगराळ भागात २ बॅगा सापडल्या. या बॅगा बाईकपासून काही अंतरावर असलेल्या खड्ड्यात पडल्या होत्या.
२८ मे – खासदार शंकर लालवानी यांनी शिलाँगमध्ये पोलिस अधिकाऱ्यांची भेट घेतली.
२९ मे – मुसळधार पावसामुळे शोध थांबवावा लागला.
३० मे – सकाळी पुन्हा शोध सुरू झाला. संध्याकाळपर्यंत कोणीही सापडले नाही.
३१ मे – पावसामुळे अनेक वेळा शोध थांबवावा लागला.
१ जून – कुटुंबाने दोघांचीही कुंडली ज्योतिषाला दाखवली.
२ जून – राजाचा मृतदेह खोल खड्ड्यात सापडला.
३ जून – पोस्टमॉर्टेम रिपोर्टमध्ये राजा यांची हत्या झाडे तोडण्याच्या शस्त्राने झाल्याचे पुष्टी झाली.
४ जून – राजाचा मृतदेह इंदूरला आणण्यात आला.
५ जून – शिलाँगमधील हॉटेल रिसेप्शनमध्ये जोडप्याचे सीसीटीव्ही फुटेज समोर आले.
६ जून – पोलिस अजूनही सोनमचा शोध घेत आहेत.
७ जून- हॉटेलबाहेर राजा-सोनमचे सीसीटीव्ही फुटेज बाहेर आले.
७ जून- मुख्यमंत्री डॉ. मोहन यादव यांनी केंद्रीय गृहमंत्री अमित शहा यांना सीबीआय चौकशीची शिफारस केली.
८ जून- केंद्रीय मंत्री शिवराज सिंह चौहान यांनी पंतप्रधान नरेंद्र मोदी यांना पत्र लिहून सीबीआय चौकशीची विनंती केली.
९ जून- सोनमला उत्तर प्रदेशातील गाजीपूर येथील एका ढाब्यावर अटक करण्यात आली.
