तरुण भारत लाईव्ह । २६ मे २०२३। जर तुम्ही इलेक्ट्रिक स्कूटर घेण्याचा विचार करत असाल तर 31 मे पर्यंत खरेदी करून घ्या. कारण 1 जून 2023 पासून Ola सह काही इलेक्ट्रिक स्कूटरच्या कितमीत मोठी वाढ होणार आहे. कारण सरकारकडून मिळणार्‍या अनुदानात कपात करण्यात आली असून यामुळे इलेक्ट्रिक स्कूटर महाग होणार आहे.
सरकारच्या अनुदानात कपात करण्याच्या निर्णयानंतर Ather आणि Okaya EV सारख्या कंपन्यांनी त्यांच्या इलेक्ट्रिक स्कूटरच्या किमती वाढवल्या आहेत. या संदर्भात आता देशातील आघाडीची इलेक्ट्रिक टू-व्हीलर कंपनी OLA ने देखील इलेक्ट्रिक स्कूटर OLA S1 Pro ची किंमत वाढवणार आहे.
कंपनीने आपल्या ट्विटर हँडलवरून एक पोस्ट पोस्ट केली आहे. पोस्टमध्ये कंपनीने म्हटले आहे की, तुम्ही OLA S1 Pro अजून विकत घेतला नसेल तर आताच खरेदी करा नाहीतर त्याची किंमत वाढेल. केंद्र सरकारच्या अवजड उद्योग मंत्रालयाने नुकतीच एक अधिसूचना जारी केली होती आणि सांगितले होते की इलेक्ट्रिक टू-व्हीलरला दिले जाणारे FAME-2 अनुदान कमी केले जात आहे. सरकारने इलेक्ट्रिक दुचाकींना लागू असलेल्या FAME-2 (मॅन्युफॅक्चरिंग अँड फास्टर अॅडॉप्शन ऑफ इलेक्ट्रिक व्हेइकल्स इन इंडिया) योजनेअंतर्गत दिले जाणारे अनुदान कमी केले आहे.
अवजड उद्योग मंत्रालयाने या नियमाबाबत अधिसूचना जारी केली आहे. इलेक्ट्रिक दुचाकींसाठी मागणी प्रोत्साहन 10,000 रुपये प्रति किलोवॅट तास असेल. इलेक्ट्रिक टू-व्हीलरसाठी प्रोत्साहन मर्यादा आता वाहनांच्या फॅक्टरी किमतीच्या 15 टक्के असेल, जी पूर्वी 40 टक्के होती. आम्ही तुम्हाला सांगतो की फेम-2 योजना 1 एप्रिल 2019 रोजी तीन वर्षांसाठी सुरू करण्यात आली होती. नंतर ती 31 मार्च 2024 पर्यंत वाढवण्यात आली.
सरकारच्या या निर्णयानंतर इलेक्ट्रिक टू-व्हीलर बनवणाऱ्या कंपन्यांनी त्यांच्या इलेक्ट्रिक वाहनांच्या किमती वाढवण्यास सुरुवात केली. इलेक्ट्रिक वाहन निर्मात्या Ather ने मंगळवारी आपल्या लोकप्रिय स्कूटर Ather 450X च्या किमती वाढवल्या आहेत. कंपनीने या स्कूटरची किंमत 32,500 रुपयांपर्यंत वाढवण्याचा निर्णय घेतला.
आता याच संदर्भात OLA S1 Pro ची किंमत देखील वाढणार आहे. या स्कूटरची किंमत कंपनी किती वाढवणार आहे याचा खुलासा अद्याप कंपनीने केलेला नाही. मात्र 1 जूननंतर कंपनी या स्कूटरच्या किमतीत वाढ करणार आहे. स्वस्त दरात स्कूटर खरेदी करण्यासाठी ग्राहकाकडे 31 मे 2023 पर्यंतच वेळ आहे.
