कोलकत्ता : 9 ऑगस्ट रोजी कोलकाता येथील आरजी कार मेडिकल कॉलेजमध्ये एका ज्युनियर डॉक्टरवर झालेल्या अत्याचार आणि हत्येचा तपास सीबीआय करत आहे. या प्रकरणी सीबीआयने न्यायालयात 200 पानी आरोपपत्र दाखल केले आहे. या प्रकरणात सीबीआयने आधीच अटकेत असलेला आरोपी संजय रॉय याला मुख्य आरोपी म्हणून नाव दिले आहे.
9 ऑगस्ट रोजी कोलकात्याच्या आरजी कार मेडिकल कॉलेजमध्ये एका ज्युनियर डॉक्टरवर अत्याचार करून तिची हत्या करण्यात आली होती. या प्रकरणी सीबीआय प्रत्येक पैलूंचा सतत तपास करत आहे. दरम्यान, सीबीआयने या प्रकरणी सियालदह न्यायालयात आरोपपत्र दाखल केले आहे.
सीबीआयच्या सूत्रांनी दिलेल्या माहितीनुसार, दाखल करण्यात आलेल्या आरोपपत्रात सुमारे 200 लोकांचे जबाब नोंदवण्यात आले आहेत. या प्रकरणाचे गूढ उकलताना सीबीआयने खून आणि अत्याचाराचा मुख्य आरोपी म्हणून आधीच अटक केलेल्या आरोपी संजय रॉयचे नाव दिले आहे.
सीबीआय काय म्हणाली?
आरोपी संजय रॉय हा स्थानिक पोलिसांमध्ये सिव्हिलियन व्हॉलंटियर म्हणून काम करत होता. सीबीआयने आपल्या आरोपपत्रात आरोपी संजय रॉयबद्दल म्हटले आहे की, त्याने 9 ऑगस्ट रोजी पीडितेसोबत हा गुन्हा केला होता, जेव्हा ती ब्रेकच्या वेळी हॉस्पिटलच्या सेमिनार रूममध्ये झोपायला गेली होती. तसेच, सीसीटीव्ही फुटेजमध्ये, संजय रॉय 9 ऑगस्ट रोजी पहाटे 4.03 वाजता सेमिनार रूममध्ये प्रवेश करताना दिसत आहे. कोलकाता पोलिसांना घटनास्थळी आरोपींचे ब्लूटूथ हेडफोन देखील सापडले आहेत.
देशभरात निदर्शने झाली
कोलकाता अत्याचार प्रकरणासंदर्भात देशभरात निदर्शने करण्यात आली आणि महिलांचा सन्मान आणि त्यांना न्याय मिळवून देण्याची मागणी करण्यात आली. तसेच अत्याचार पीडितेला न्याय मिळावा यासाठी कोलकाता येथील ज्युनिअर डॉक्टरांनी शनिवारी सायंकाळपासून आमरण उपोषण सुरू केले आहे. पश्चिम बंगालमधील ममता सरकार आपल्या मागण्यांबाबत हलगर्जीपणा करत असल्याचा आरोप कनिष्ठ डॉक्टरांनी केला आहे.
