मध्य प्रदेशात काँग्रेसला मोठा धक्का बसणार आहे. असे बोलले जात आहे कारण कमलनाथ काँग्रेस सोडून भाजपमध्ये प्रवेश करू शकतात. कमलनाथ हे एकटे नव्हे, तर त्यांचे खासदार पुत्र नकुल नाथ यांच्यासोबत बाजू बदलणार असल्याची जोरदार चर्चा आहे. काँग्रेस सोडण्याच्या चर्चेदरम्यान, भाजप नेत्याने शेअर केलेल्या फोटोमध्ये कमलनाथ त्यांचा मुलगा नकुल नाथ यांच्यासोबत दिसत आहेत.
मध्य प्रदेश भाजप नेते आणि राज्याचे प्रवक्ते नरेंद्र सलुजा यांनी एक फोटो शेअर केला आहे. या फोटोमध्ये कमलनाथ आणि त्यांचा मुलगा नकुल नाथ दिसत आहेत. त्याच्यासोबत इतर अनेक लोकही या फोटोत दिसत आहेत. कमलनाथ यांचा फोटो शेअर करताना सलूजाने लिहिले आहे, ‘जय श्री राम.’ अशा स्थितीत कमलनाथ लवकरच भाजपमध्ये प्रवेश करणार असल्याची चर्चा रंगली आहे. काँग्रेस नेते कमलनाथ यांच्या जवळच्या सूत्रांनीही सांगितले आहे की ते दोन दिवसांत पक्ष सोडू शकतात.
