कोल्हापूर : कोलकात्यामध्ये डॉक्टर महिलेची बलात्कार करून निर्घृण हत्या करण्यात आल्यानंतर राज्यात बदलापूरमध्ये शाळेत दोन चिमुरड्या मुलींवर अत्याचार करण्यात आल्याची धक्कादायक घटना उघडकीस आली होती. या दोन घटनांवरून देशभरात संताप आणि उद्रेक सुरू असतानाच कोल्हापूरमध्ये सुद्धा भयंकर कृत्य घडल्याच समोर आलं आहे.
शिये गावातील रामनगर परिसरामध्ये धक्कादायक घटना उघडकीस
कोल्हापुरात दहा वर्षीय चिमुरड्या मुलीची बलात्कार करून हत्या करण्यात आल्याची धकादायक उघडकीस आली आहे. मिळालेल्या प्राथमिक माहितीनुसार संबंधित मुलगी २१ ऑगस्ट दुपारपासून बेपत्ता झाली होती. कोल्हापुर मधील करवीर तालुक्यातील शिये गावात रामनगर परिसरामध्ये ही धक्कादायक घटना घडल्याचे उघडकीस आले. दरम्यान, कोल्हापूर पोलिसांनी दोघा संशयितांना ताब्यात घेतलं आहे. विशेष म्हणजे महायुतीचा आज लाडकी बहीण कार्यक्रम वचनपूर्ती सोहळा कोल्हापूरमध्ये सुरू असतानाच धक्कादायक प्रकार उघडकीस आला आहे. त्यामुळे राज्यातील मुली आता सुरक्षित आहेत की नाहीत? हा प्रश्न पुन्हा एकदा उपस्थित झाला आहे.
