जळगाव । जळगाव शहरातील सराफ बाजारातील सौरभ ज्वेलर्सवर आज सोमवारी पहाटेच्या सुमारास दरोडा घातला आणि लाखो रुपयांचे सोने लुटून नेल्याची घटना समोर आलीय. यामुळे शहरात खळबळ उडाली आहे. या घटनेत दरोडा घालणारे सहा दरोडे खोर हे सराफ बाजारातील एका सीसीटीव्ही कॅमेऱ्यात कैद झाले असून पोलीस दरोडेखोरांचा शोध घेत आहेत.
याबाबत अधिक माहिती अशी की, शहराच्या अतिशय मध्यवर्ती ठिकाणी असलेल्या सौरभ ज्वेलर्समध्ये पहाटेच्या वाजताच्या सुमारास सहा दरोडेखोरांनी दरवाजा तोडून आतमध्ये प्रवेश केला. दुकानातील शोरूम मधील लाखो रुपयांचे दागिने घेऊन पोबारा केला आहे.
यावेळी दरोडेखोरांनी दुकानातील तिजोरी उघडण्याचा प्रयत्न केला. मात्र, त्यात त्यांना यश मिळालं नाही. त्यामुळे कोट्यावधी रुपयांचे सोने बचावले आहे. दरोडेखोरांनी दुकानात प्रवेश करण्यापूर्वी दुकानाबाहेरील सुरक्षा रक्षकांना शस्त्राचा धाक देऊन आणि जिवे मारण्याची धमकी देत गप्प केल्याचे दुकान मालक सौरभ कोठारी यांनी म्हटले आहे. याप्रकरणी गुन्हा दाखल करण्यात आला असून पोलीस पुढील तपास करत आहेत.
