जळगाव. : दि.12 ओक्टोबर २०२२ बुधवार रोजी माध्यमिक विद्यालय शारदा कॉलनी जळगाव येथे , जळगाव तालुका माध्यमिक व उच्च माध्यमिक शाळा मुख्याध्यापक संघाच्या वतीने नवोदित मुख्याध्यापकांचा सत्कार सोहळा संपन्न झाला. कार्यक्रमाच्या अध्यक्षस्थानी मा.श्री सी.डी. पाटील हे होते तर प्रमुख पाहुणे म्हणून श्री एस.डी. भिरूड, श्री नितीन दादा इंगळे ,श्री फिरोज पठाण (गटशिक्षणाधिकारी पं.स. जळगाव) . श्री जी. आर. चौधरी, श्री मनोज पाटील, श्री एस.एम. खंबायत, साधना लोखंडे,विद्या खाचणे,सुनील गरुड, एस.पी. चौधरी , एन.एच. चौधरी उपस्थित होते.
अध्यक्ष व प्रमुख पाहुण्यांच्या हस्ते सरस्वती पुजनाने कार्यक्रमाची सुरुवात करून अध्यक्ष, प्रमुख पाहुणे व मान्यवरांचा परिचय् व सत्कार करण्यात आला. तदनंतर मान्यवरांच्या हस्ते तालुक्यातिल नवोदित मुख्याध्यापकांचा शाल व बुके देऊन सत्कार करण्यात आला. सत्कारार्थि मधून डी. एस. पाटील व प्रणिती झांबरे यांनी मनोगत व्यक्त केले तर कार्यक्रमाचे अध्यक्ष श्री सी.डी. पाटील , प्रमुख पाहुणे शालिग्राम भिरूड,जी.आर. चौधरी,मनोज पाटील यांनी सर्व नवोदितांना शुभेच्छा देवून उपस्थित सर्व मुख्याध्यापकांना शालेय् व प्रशासकिय कामकाज, शाळेची गुणवत्ता, अशैक्षणिक कामे इ. बाबत सखोल मार्गदर्शन करून सर्व शिक्षक संघटनांनी एकत्रित काम करून संघटित होण्याचे आवाहन् केले.
कार्यक्रमाचे प्रास्ताविक तालुका संघाचे अध्यक्ष राजेंद्र खोरखेडे यांनी केले , सूत्र संचलन सचिव प्रमोद कोल्हे यांनी तर आभार प्रदर्शन सदस्य विजय गिरणारे यांनी केले.
कार्यक्रमाच्या यशस्वीतेसाठी तालुका संघाचे उपाध्यक्ष प्रशांत गरुड, सदस्य अनिल नारखेडे व प्रणिती झांबरे यांनी परिश्रम घेतले.
कार्यक्रम संपल्या नंतर सर्व मान्यवरांनी सुरुची भोजनाचा अस्वाद घेतला.
