तरुण भारत लाईव्ह । ३० सप्टेंबर २०२३। अमळनेर मधून एका अपघाताची बातमी समोर येत आहे. खड्डयांमुळे स्कूटी घसरून पडल्याने यावरील तरूणीला मागून येणाऱ्या कंटेनरने चिरडल्याची घटना शहादा तालुक्यातील अनरद बारी जवळ घडली . या अपघातात तरुणीचा जागीच मृत्यू झाला.
सूत्राने दिलेल्या माहितीनुसार, अमळनेर तालुक्यातील,वावडे येथे वास्तव्यास असलेल्या रवींद्र साहेबराव पाटील यांची एकुलती एक मुलगी हर्षदा ही आपल्या कुटुंबा सोबत तोरणमाळ येथून घरी परत येत होती. याचवेळी शहादा तालुक्यातील अनरद बारी जवळ रस्त्यावर असलेल्या खड्डयामुळे स्कूटी वरून तिचा तोल गेल्याने ती खाली पडली. यावेळी मागून येणार्‍या कंटेनरने तिला जोरदार धडक दिल्याने तिचा जागीच ठार झाली.
पाटील कुटुंबाच्या समोरच त्यांच्या कन्येचा मृत्यू झाल्याने त्यांनी अपघातस्थळी प्रचंड आक्रोश केला. मयत हर्षदा ही शिरपूर मध्ये दुसर्‍या वर्षाला शिकत होती. तिच्या अचानक जाण्याने तिच्या कुटुंबावर व गावावर शोककळा पसरली आहे. अपघाताचे वृत्त कळताच वावडे गावात शोककळा पसरली आहे. खराब रस्त्यावरील खड्डयाने या तरूणीचा बळी घेतल्याने संताप व्यक्त होत आहे.
