धक्कादायक! एक दिवसाचे स्त्री जातीचे मृत अभ्रक उकीरड्यावर फेकले, महिलेवर गुन्हा दाखल

भुसावळ:  तालुक्यातील सुनसगावात एक दिवसाचे स्त्री जातीचे मृत अभ्रक उकीरड्यावर फेकल्याचा धक्कादायक प्रकार समोर आला आहे.या बातमीमुळे परिसरात एकाच खळबळ उडाली आहे. याप्रकरणी भुसावळ तालुका पोलीस ठाण्यात एका महिलेवर गुन्हा दाखल करण्यात आला आहे .

मिळालेल्या माहितीनुसार, भुसावळ तालुक्यातील सुनसगावात एक दिवसाचे स्त्री जातीचे मृत अभ्रक उकीरड्यावर फेकल्याचा खळबळजनक प्रकार उघडकीला आला होता. भुसावळ तालुक्यातील सुनसगाव गावात राहणाऱ्या एका महिलेने जन्म दिलेल्या स्त्री जातीच्या अभ्रकाचा मृत्यू झाला होता. त्यामुळे महिलेने गुप्तपणे विल्हेवाट लावण्यासाठी गावातील एका उकिरड्यावर फेकून दिले होते. हा प्रकार १४ मार्च रोजी दुपारी २ वाजता उघडकीला आल्यानंतर गावात खबळबळ उडाली होती. या घटनेची माहिती भुसावळ तालुका पोलीसांना मिळाली.

त्यांनी घटनास्थळी धाव घेवून मृत अभ्रकाचे पंचनामा केला. दरम्यान, प्रकरणी पोलीस हेडकॉन्स्टेबल दिपक जाधव यांनी भुसावळ तालुका पोलीसात तक्रार दिली. त्यानुसार शनिवारी १६ मार्च रोजी दुपारी दीड वाजता महिलेवर पोलीसात गुन्हा दाखल करण्यात आला. पुढील तपास सहाय्यक पोलीस निरीक्षक विशाल पाटील हे करीत आहे.