पाटणा: बिहारचे मुख्यमंत्री नितीश कुमार हे पुन्हा एकदा आपला गट बदलण्याची शक्यता आहे. सूत्रांनी दिलेल्या माहितीनुसार, नितीश कुमार यूट्यर्न घेणार असून ते लोकसभा निवडणुकीसाठी भाजपसोबत जाणार आहेत.
बुधवारी पश्चिम बंगालच्या मुख्यमंत्री आणि तृणमूल काँग्रेसच्या सर्वेसर्वा यांनी ‘एकला चलो’चा नारा दिला. त्यानंतर पंजाबमध्ये भगवंत मान यांनी देखील स्वबळावर लढणार असल्याचं जाहीर केलं आहे. त्यामुळे इंडिया आघाडीच्या एकजुटीला मोठा तडा गेलाय. त्यातच आता नितीश कुमार हे देखील साथ सोडून गेल्यास इंडिया आघाडीला लोकसभा निवडणुकीसाठी सर्वात मोठा धक्का असणार आहे.
नितीश कुमार हे भाजपसोबत जाणार असल्याचे जवळपास निश्चित झाले आहे. सूत्रांनी दिलेल्या माहितीनुसार ते रविवारी म्हणजे २८ तारखेला भाजपसोबत पदाची शपथ घेऊ शकतात.
