पाचोरा : भरधाव दुचाकी व कारमध्ये धडक होवून झालेल्या अपघातात श्रीकृष्ण नगरातील दुचाकीस्वार जागीच ठार झाला तर दुचाकीवरील व कारमधील तिघे जखमी झाले. हा अपघात बुधवारी रात्री साडेदहा वाजेच्या सुमारास घडला. या अपघातात भूषण संतोष हटकर (20, श्रीकृष्णनगर, पाचोरा) तरुण ठार झाला.
जागीच दुचाकीस्वार तरुण ठार
जळगाव चौफुली जवळील श्रीकृष्ण नगर परीसरातील रहिवासी असलेला भूषण संतोष हटकर (20) व प्रवीण नाना हटकर (22) हे दोघे मित्र दुचाकी (एम.एच.19 ई.डी.2196) वरुन मंगळवारी रात्री साडेदहा वाजता घरी जात असताना जारगाव चौफुलीकडून (एम.एच.15 बी.एन.1035) मधील दोघ भडगाव रोडकडे जात असतांना दोन्ही वाहने एकमेकांवर आदळून दुचाकीस्वार भूषण संतोष हटकर हा जागेवर ठार झाला. त्याचे मागे बसलेला प्रवीण नाना हटकर याचे दोन्ही पाय फ्रॅक्चर झाले.
अपघातप्रकरणी गुन्हा दाखल
चारचाकी वाहनातील देशमुखवाडी परीसरातील दोघ इसम गंभीर जखमी झाले. जखमींवर खाजगी रुग्णालयात उपचार सुरू आहेत. यातील मयत भूषण संतोष हटकर हा खाजगी व्यक्तीकडे सेंट्रींग कामावर मजूरी करत होता. त्याच्या पश्चात आई, वडील, एक भाऊ असा परीवार आहे. जखमी प्रवीण नाना हटकर हा आई-वडीलांचा एकुलता एक मुलगा असून तो बाजार समितीत हमाली काम करतो. मयत तरुणाच्या मृतदेहाचे शवविच्छेदन ग्रामीण रुग्णालयाचे वैद्यकीय अधीक्षक डॉ. अमित साळुंखे यांनी केले. या अपघातप्रकरणी पाचोरा पोलीस ठाण्यात गुन्हा दाखल करण्यात आला.
