Bijapur Naxalite Encounter : बिजापूर पोलिस आणि नक्षलवाद्यांमधील चकमकीत चार नक्षलवादी ठार झाल्याची माहिती आहे. होळीच्या दिवशी नक्षलवाद्यांच्या हल्ल्यात बासागुडा येथे तीन गावकऱ्यांच्या हत्येनंतर डीआरजी, सीआरपीएफ आणि कोब्रा जवानांचे संयुक्त पथक शोधासाठी गेले होते.
नक्षलवाद्यांच्या प्लाटून क्रमांक 10 सोबत चकमक झाली आहे. ठार झालेल्या नक्षलवाद्यांचे मृतदेह आणि शस्त्रे जप्त करण्यात आली आहेत. बिजापूरचे एसपी जितेंद्र यादव यांनी सांगितले की, बासागुडा पोलिस स्टेशन हद्दीतील चिप्पूरभट्टी भागात तालपेरू नदीच्या काठावर ही चकमक झाली. जवान परिसरात शोध घेत आहेत. सविस्तर माहिती काही वेळाने दिली जाईल.
