बुधवार चा दिवस हा शेअर बाजार आणि झोमॅटोसाठी चांगला दिवस आहे. झोमॅटोचा शेअर सलग दुसऱ्या दिवशी नवे रेकॉर्ड बनवत आहे. खरेतर, ऑनलाइन फूड डिलिव्हरी ॲप झोमॅटोच्या शेअर्सने जुना उच्चांक मागे टाकून रु. 189.00 च्या विक्रमी आजीवन उच्चांकाला स्पर्श केला आहे. स्टॉक मध्ये होणाऱ्या वाढीमागे ब्लिंकिटचा निर्णय आहे. झोमॅटोचे शेअर्स बुधवारी ट्रेडिंग सत्रात रु. 181.80 वर उघडले. या कालावधीत, शेअरने 189.00 च्या सर्वोच्च उच्चांकालाही स्पर्श केला. त्याच वेळी, दुपारी 12 वाजेपर्यंत शेअर 184.80 रुपयांवर व्यवहार करताना दिसत आहे.
यामुळे शेअर मध्ये तेजी
दिल्ली एनसीआर आणि मुंबईच्या काही भागात डिलिव्हरी चार्जेस 11-35 रुपयांनी वाढवल्यानंतर ब्लिंकिट चर्चेत आहे. उच्च वितरण शुल्कामुळे झोमॅटोची नफा वाढण्याची अपेक्षा आहे. याशिवाय होळीच्या दिवशी झोमॅटोकडून बंपर खरेदीचाही फायदा झाला आहे. यावेळी लोकांनी गुज्या आणि इतर मिठाई भरपूर प्रमाणात ऑर्डर केल्या. तर झोमॅटोच्या ऑनलाइन किराणा कंपनी ब्लिकिंटवर वापरकर्त्यांनी होळीच्या निमित्ताने भरपूर खरेदी केली आहे. त्याचा परिणाम बुधवारी झोमॅटोच्या शेअरवर दिसून येत आहे. Zomato ने आपल्या भागधारकांना जोरदार परतावा दिला आहे. जोरदार खरेदीमुळे झोमॅटोचे शेअर्स १८९ रुपयांच्या ऐतिहासिक उच्चांकावर पोहोचले आहेत. चालू आर्थिक वर्षाची चौथी तिमाही झोमॅटोसाठी चांगली असेल अशी बाजाराची अपेक्षा आहे.
