मुंबई : राज्याचे माजी मुख्यमंत्री अशोक चव्हाण यांनी काल मंगळवारी भाजपात जाहीर प्रवेश केला.यावेळी उपमुख्यमंत्री देवेंद्र फडणवीस यांच्यासह मुंबई भाजपचे अध्यक्ष आशिष शेलार, प्रदेशाध्यक्ष बावनकुळे उपस्थित होते. अशोक चव्हाण यांना व्यासपीठावर बोलण्याची संधी दिली. यावेळी त्यांनी मुंबई भाजपचे अध्यक्ष आशिष शेलार यांना असा उल्लेख न करता मुंबई काँग्रेस चे अध्यक्ष असे म्हंटले असता एकच हशा पिकाला. देवेंद्र फडणवीस यांनी लगेच लक्षात आणून दिले अशोक चव्हाण यांनी चुकून मुंबई भाजपचे अध्यक्ष आशिष शेलार यांना ‘मुंबई काँग्रेस अध्यक्ष’ म्हटले आहे. त्यावर उपमुख्यमंत्री देवेंद्र फडणवीस आणि इतर हसायला लागले. चव्हाण आज मुंबईत भाजपमध्ये प्रवेश केल्यानंतर प्रसारमाध्यमांशी संवाद साधत असताना ही घटना घडली.
महाराष्ट्राचे उपमुख्यमंत्री देवेंद्र फडणवीस मोठ्याने हसण्याआधी त्यांना दुरुस्त करताना दिसले. चुकीबद्दल दिलगिरी व्यक्त करत चव्हाण म्हणाले, “मी नुकताच भाजपमध्ये प्रवेश केला आहे. त्यामुळेच माझ्याकडून चूक झाली आहे. काँग्रेसमध्ये 38 वर्षानंतर भाजपमध्ये प्रवेश करून मी एका नव्या प्रवासाला सुरुवात करत आहे.”
