Sai Tamhankar : महाराष्ट्राची हास्य जत्रा या लोकप्रिय मालिकेतून अभिनेत्री सई ताम्हणकर हि काही दिवसांसाठी ब्रेक घेणार आहे. सोशल मीडियावर पोस्ट करत तिने हि माहिती दिली आहे. या मालिकेत सई ताम्हणकर ही हास्यरसिक म्हणून हजेरी लावते.
सोशल मीडियावरील एका पोस्टमध्ये सईने आपण ‘महाराष्ट्राची हास्यजत्रा’मध्ये काही दिवस नसणार नसल्याचे म्हटले. सईने आपल्या पोस्टमध्ये म्हटले की, महाराष्ट्राची हास्यजत्रामधील खास भाग कोणता हे तुम्हाला माहित आहे का? त्या खुर्चीत बसून आहे तसं वागता येते. या शोची शूटिंग मिस करत असल्याचे सईने म्हटले.
सई ताम्हणकर नुकतीच भक्षक या चित्रपटात झळकली होती. त्यानंतर आता आणखी एका वेब शोच्या चित्रीकरणात व्यस्त आहे. मात्र, हा वेब शो मराठी आहे की हिंदी आहे, याबाबत सध्या कोणतीही माहिती समोर आली नाही. सईच्या जागी अभिनेत्री सोनाली कुलकर्णी झळकण्याची शक्यता आहे. मागील काही एपिसोडमध्ये सोनाली कुलकर्णी ही हास्यरसिक म्हणून दिसली.
