महाराष्ट्रात काँग्रेसला एकापाठोपाठ एक मोठा फटका बसत आहे. आता काँग्रेसचे मोठे नेते संजय निरुपम उद्या सकाळी पक्ष सोडू शकतात, अशी बातमी आहे. संजय निरुपम यांनी पक्षाच्या हायकमांडला सायंकाळपर्यंतचा अल्टिमेटम दिला आहे. संजय निरुपम उद्या सकाळी साडेअकरा वाजता पत्रकार परिषद घेणार आहेत. निरुपम पत्रकार परिषदेत पक्ष सोडल्याची घोषणा करू शकतात. अंधेरी लोखंडवाला येथे ही पत्रकार परिषद होणार आहे.
उद्धव ठाकरे यांनी एकतर्फी उमेदवार उभे केल्याबद्दल काँग्रेस नेते संजय निरुपण यांनी शिवसेना (यूबीटी) अध्यक्षांवर जोरदार टीका केली होती. मुंबईच्या उत्तर-पश्चिम लोकसभा मतदारसंघात उद्धव ठाकरेंनी उमेदवारी दिल्याने संजय निरुपम यांनी प्रश्न उपस्थित केला होता. मात्र शिवसेनेने आता मुंबई महापालिकेतील खिचडी घोटाळ्याचे आरोप असलेले अमोल कार्तीकर यांना उमेदवारी दिली आहे. अमोल कीर्तीकर हे शिवसेनेचे खासदार गजानन कीर्तिकर यांचे पुत्र आहेत. शिवसेनेच्या या निर्णयामुळे मित्रपक्ष काँग्रेस आणि राष्ट्रवादी काँग्रेसलाही आश्चर्याचा धक्का बसला आहे.
वास्तविक संजय निरुपम यांना या जागेवरून निवडणूक लढवायची होती. यापूर्वी संजय निरुपम यांनी आपल्या पक्षाला अल्टिमेटम देत निर्णय मागे न घेतल्यास सर्व पर्याय त्यांच्यासमोर खुले असल्याचे सांगितले होते. शिवसेनेसोबतची युती काँग्रेससाठी आत्मघातकी ठरत असल्याचा इशारा त्यांनी दिला. संजय निरुपम म्हणाले की, काँग्रेस पक्षाचा मित्र पक्ष आपल्या पक्षाच्या पाठिंब्याशिवाय महाराष्ट्रात एकही जागा जिंकण्याच्या स्थितीत नाही.
