रियासी : माता वैष्णो देवीच्या भक्तांसाठी आनंदाची बातमी आहे.श्री माता वैष्णोदेवी श्राइन बोर्डाने गृहनिर्माण व्यवस्था सुरू केली आहे.आता प्रवाशांची गैरसोय होणार नाही. मंदिराच्या अधिकाऱ्याने सांगितले की, मुख्य कार्यकारी अधिकारी अंशुल गर्ग यांनी कटरा येथील चौकशी आणि आरक्षण काउंटरवर ही नवीन प्रणाली सुरू केली.
कटरा हे मंदिर दर्शनासाठी येणाऱ्या भाविकांसाठी बेस कॅम्प आहे. ते म्हणाले की, या उपक्रमाचा उद्देश भाविकांना यात्रेचा उत्तम अनुभव देण्याचा आहे. अधिकाऱ्याने सांगितले की, या निवास व्यवस्थापन प्रणालीमुळे यात्रेकरूंचे ‘चेक-इन’ आणि ‘चेक-आउट’ सोपे होईल. याशिवाय या संपूर्ण प्रक्रियेत लागणारा वेळही कमी होणार आहे. यासोबतच आरक्षण भरण्याशी संबंधित आर्थिक व्यवहारही सुरक्षित राहतील, असे ते म्हणाले.
