इस्रायली दूतावासाजवळ झालेल्या स्फोटानंतर आता मुंबईत मोठी घटना घडण्याची भीती आहे. एचडीएफसी बँक आणि आयसीआयसीआय बँकेसह आरबीआय कार्यालयाला बॉम्बने उडवण्याची धमकी ईमेलद्वारे देण्यात आली आहे. याशिवाय मुंबईत आणखी 11 ठिकाणी बॉम्बस्फोट झाल्याचा उल्लेख आहे. या ईमेलमध्ये RBI गव्हर्नर शक्तीकांत दास आणि अर्थमंत्री निर्मला सीतारामन यांच्या राजीनाम्याची मागणी करण्यात आली आहे.
दिल्लीतील इस्रायली दूतावासाजवळ झालेल्या स्फोटानंतर आता मुंबईत आणखी एक मोठी घटना घडवून आणण्याची धमकी देण्यात आली आहे. आरबीआय कार्यालयात बॉम्ब टाकण्याची धमकी ईमेलद्वारे मिळाली आहे. केवळ आरबीआय कार्यालयच नाही तर एचडीएफसी बँक आणि आयसीआयसीआय बँकेलाही बॉम्ब हल्ल्याची धमकी देण्यात आली आहे. या ईमेलमध्ये RBI गव्हर्नर शक्तीकांत दास आणि अर्थमंत्री निर्मला सीतारामन यांच्या राजीनाम्याची मागणी करण्यात आली आहे.
याशिवाय मुंबईत एकूण 11 ठिकाणी बॉम्बच्या धमक्या मिळाल्या आहेत. ईमेलद्वारे मिळालेल्या धमकीमध्ये दुपारी दीड वाजता बॉम्बस्फोट होईल, असे लिहिले होते. त्याचवेळी खबरदारी घेत पोलिसांनी सर्वच ठिकाणी शोधमोहीम राबवली असता आक्षेपार्ह काहीही आढळून आले नाही. याप्रकरणी एमआरए मार्ग पोलिस ठाण्यात गुन्हा दाखल करण्यात आला आहे.
ईमेलमध्ये काय लिहिले आहे?
मुंबईत 11 ठिकाणी पेरलेल्या बॉम्बचा दुपारी दीड वाजता स्फोट होईल, असे ईमेलर, ज्याची अद्याप ओळख पटलेली नाही, त्याने ईमेलमध्ये लिहिले आहे. या ईमेलमध्ये पुढे लिहिले आहे की, आरबीआयसह या सर्व बँकांनी भारतीय इतिहासातील सर्वात मोठा घोटाळा केला आहे. या घोटाळ्यांमध्ये आरबीआयचे गव्हर्नर शक्तीकांत दास यांचाही सहभाग आहे. बॉम्बच्या धमकीमध्ये तीन ठिकाणांचा उल्लेख करण्यात आला होता. ईमेलकर्त्याने दावा केला आहे की त्याच्याकडे “घोटाळ्यांचे पुरेसे पुरावे” आहेत.
ईमेलमध्ये नमूद केलेल्या ठिकाणांमध्ये मुंबईतील रिझर्व्ह बँक ऑफ इंडियाच्या केंद्रीय कार्यालयाच्या इमारतीचा समावेश आहे. याशिवाय चर्चगेट येथील एचडीएफसी हाऊस आणि बीकेसीमध्ये असलेल्या आयसीआयसीआय बँक टॉवर्सचा समावेश आहे.ईमेलमध्ये असे लिहिले आहे की RBI ने खाजगी क्षेत्रातील बँकांच्या सहकार्याने भारताच्या इतिहासातील सर्वात मोठा घोटाळा केला आहे. या घोटाळ्याची संपूर्ण माहिती दिल्यानंतर अर्थमंत्र्यांनी तात्काळ राजीनामा द्यावा, असे ईमेलरने म्हटले आहे. ही मागणी पूर्ण न झाल्यास सर्व बॉम्ब फुटतील, असेही ईमेलमध्ये लिहिले होते.
