आंबा हे जगातील लोकांचे सर्वांत आवडते फळ आहे. दरवर्षी हंगामात आंब्यांना मोठी मागणी असते. यावेळी आंबा खरेदी करण्यासाठी ग्राहकांना अधिकचा पैसा खर्च करावा लागणार आहे. कारण, बदलत्या हवामानाचा पिकावर मोठा परिणाम झाला असून, त्यामुळे उत्पादनात घट होणार आहे. यावेळी दशहरी, चौसा, लंगडा, मालदा या प्रसिद्ध वाणांसाठी जास्त पैसे खर्च लागणार आहेत. कारण, वातावरणातील बदलामुळे यंदा आंबा पिकाला आतापर्यंत कमी फुले आली आहेत. प्रत्येक वेळी फेब्रुवारी महिन्यात आंबा पिकाला मोहोर येतो. मात्र, यावेळी तसे झाले नाही.
वातावरणातील बदलाच्या प्रभावामुळे यावेळी आंबा पिकाला अधिक फटका बसला आहे. हवामानाचा आंबा पिकावर होणारा परिणाम लक्षात घेता सेंट्रल इन्स्टिट्यूट ऑफ सबट्रॉपिकल हॉर्टिकल्चरचे शास्त्रज्ञही चकीत आहेत. यावेळी आंबा पिकासाठी मार्चचा पहिला आठवडा महत्त्वाचा ठरणार असल्याचे शास्त्रज्ञांचे म्हणणे आहे. मार्चमध्ये आंब्याच्या झाडांना मोहोर आला नाही, तर यावेळी आंबा उत्पादनातही घट होणार आहे. हवामान बदलाचा परिणाम वातावरणातील बदलामुळे जगभरातील धान्यांपासून भाजीपाला पिकांवर आधीच परिणाम होत आहे. आता बागकामावरही परिणाम होत आहे.
वातावरणातील बदलामुळे केवळ पीक कमी झाले नाही, तर अनेक पिकांचे भावही वाढले आहेत. यावेळी हवामानातील बदलाचा आंबा पिकावर मोठा परिणाम झाला आहे. सेंट्रल इन्स्टिट्यूट ऑफ सबट्रॉपिकल हॉर्टिकल्चरचे प्रमुख शास्त्रज्ञ डॉ. प्रभातकुमार शुक्ला यांनी शेतकऱ्यांना सांगितले की, फेब्रुवारी महिन्यात किमान तापमान प्रत्येक वेळी १५ अंश सेल्सिअसच्या पुढे जात असे, जे आंबा पिकासाठी अतिशय चांगले म्हटले जाते. मात्र, यावेळी संपूर्ण फेब्रुवारी महिन्यात किमान तापमान १५ अंश सेल्सिअसच्या खाली राहिले. त्यामुळे आंबा पिकाला फुले वेळेवर आली नाहीत.
वेस्टर्न डिस्टर्बन्समुळे किमान आणि कमाल तापमानात सातत्याने तफावत आहे. अवकाळी पावसामुळे किमान तापमानातही वाढ होत नाही. त्यामुळे केवळ १० टक्के झाडांना मोहोर आला असून, ९० टक्के झाडे अद्याप उघडी आहेत. संपूर्ण उत्तर भारताची ही स्थिती आहे, तर दक्षिण भारतात यावेळी आंब्याचे पीक चांगले आहे.
