या पोस्ट ऑफिस योजनेत गुंतवणूक करून, तुम्हाला दरमहा निश्चित उत्पन्न मिळू शकते. ही योजना आणि त्यातून मिळणारे उत्पन्न जाणून घेऊया.आजही देशात असे अनेक लोक आहेत जे शेअर मार्केट, म्युच्युअल फंड इत्यादींमध्ये गुंतवणूक करण्याऐवजी सरकारी योजनांमध्ये गुंतवणूक करण्यास प्राधान्य देतात. तुम्हालाही पोस्ट ऑफिस स्कीममध्ये गुंतवणूक करून दर महिन्याला खात्रीशीर परतावा मिळवायचा असेल, तर आम्ही तुम्हाला अशाच एका स्कीमबद्दल सांगत आहोत.
मासिक उत्पन्न योजना (MIS) ही पोस्ट ऑफिसच्या लोकप्रिय योजनांपैकी एक आहे. ही एक अशी योजना आहे ज्यामध्ये तुम्ही एकरकमी रक्कम गुंतवून दर महिन्याला खात्रीशीर परतावा मिळवू शकता.या योजनेअंतर्गत तुम्ही एकल आणि संयुक्त दोन्ही खाती उघडू शकता. एका खात्यात एकूण 9 लाख रुपयांपर्यंतची गुंतवणूक करता येते. तर संयुक्त खात्यातील गुंतवणुकीची मर्यादा 15 लाख रुपये आहे.
सरकार सध्या या योजनेअंतर्गत ठेवींवर ७.४ टक्के व्याजदर देत आहे. या योजनेत तुम्ही ५ वर्षांसाठी पैसे जमा करू शकता.या योजनेअंतर्गत दर महिन्याला तुमच्या खात्यात व्याज जमा केले जाते, जे तुम्ही तुमच्या गरजेनुसार दर महिन्याला काढू शकता. जर तुम्ही एकाच खात्यात 9 लाख रुपये गुंतवले तर तुम्हाला दरमहा 5,500 रुपये मिळतील. तर संयुक्त खात्यात जास्तीत जास्त गुंतवणूक १५ लाख रुपये आहे
