---Advertisement---
---Advertisement---
जळगाव : राष्ट्रीय लोक अदालतीमध्ये न्यालयातील प्रलंबीत व वादपूर्व अशी एकूण 4 हजार 773 प्रकरणे निकाली काढण्यात आली. यात 3 हजार 906 दाखलपुर्व व न्यायालयातील प्रलंबीत 867 प्रकरणे निकाली काढण्यात आली. यातून 21 कोटी 97 लाख 8 हजार 664 वसूल करण्यात आले. 4 ते 8 डिसेंबरपर्यत राबविण्यात आलेल्या स्पेशल ड्राईव्हमध्ये एकूण 699 प्रकरणे निकाली काढण्यात आली.
राष्ट्रीय लोक अदालत जिल्हा विधी सेवा प्राधिकरण तथा प्रमुख जिल्हा व सत्र न्यायाधीश तथा अध्यक्ष एम.क्यु.एस.एम. शेख यांचे मार्गदर्शन लाभले.
जिल्हा न्यायाधीश स्वतः गेले पक्षाकाराकडे
एस. व्ही. केंद्रे- तदर्थ जिल्हा न्यायाधीश – 1 चे पॅनल क्रमांक 2 ला पक्षकार मोटार अपघातात अपंगत्व आले असल्याने दुसऱ्या मजल्यावर येऊ शकत नव्हता. त्यावेळेस तदर्थ जिल्हा न्यायाधीश स्वतः दोन मजले खाली उतरुन तळ मजल्यावर मोटार अपघात प्रकरणातील जखमी पक्षकार सोबत प्रकरणाची सविस्तर विचारणा करुन पक्षकाराचे चोला एम. एस. जनरल इंन्शुरन्स कं. लि. सोबत असलेले प्रकरण राष्ट्रीय लोक अदालतीत तडजोडीने रुपये 4 लाखाने निकाली काढले.
महावितरण कंपनीचे थकीत बील काढले निकाली
बालाजी इरीगेशन व महावितरण महाराष्ट्र राज्य विद्युत वितरण कंपनी मर्यादीत जळगाव विभाग यांच्यामध्ये राष्ट्रीय लोक अदालतीत वाद पुर्व प्रकरण एम. पी. जसवंत, पाचवे सह दिवाणी न्यायाधीश क. स्तर यांच्या पॅनल समक्ष प्रकरण तडजोडी नंतर बालाजी इरीगेशन यांना महावितरण कंपनीचे थकीत बील रक्कम 19 लाख 29 हजार 662 रूपयांचा परतावा करुन निकाली काढले.
यांचे लाभले सहकार्य
लोक अदालतमध्ये प्रामुख्याने सर्व जिल्हा न्यायाधीश यांचे सहकार्य लाभले. जिल्हा न्यायाधीश एस. एन. राजुरकर, जिल्हा विधी सेवा प्राधिकरण सचिव एस. पी. सय्यद, जिल्हा वकिल संघांचे अध्यक्ष ॲड. केतन ढाके, जिल्हा सरकारी अभियोक्ता एस. जी. काबरा, पॅनल व जिल्हा न्यायाधीश बी. एस. वावरे, तदर्थ जिल्हा न्यायाधीश एस. व्ही. केंद्रे, सहदिवाणी न्यायाधीश वरिष्ठ स्तर एम. एस. बडे, सह दिवाणी न्यायाधीश वरिष्ठ स्तर श्रीमती एस. एस. घारे, सह दिवाणी न्यायाधीश कनिष्ठ स्तर पी. आर. वागडोळे, सह दिवाणी न्यायाधीश कनिष्ठ स्तर श्रीमती एम. पी. जसवंत, लोकअभिरक्षक कार्यालय प्रमुख ॲड. अब्दुल कादीर, उप मुख्य लोकअभिरक्षक मंजुळा मुंदडा व त्यांचे सहकारी पॅनल, ॲड. पूनम चौधरी, ॲड. हेमंत आर. गिरनारे, ॲड. श्रध्दा सोनवणे, ॲड. प्रिती आर. नागलकर, ॲड. संदीप जी. पाटील, ॲड. लिना म्हस्के, जिल्हा विधी सेवा प्राधिकरणाचे कार्यालयीन अधीक्षक सुभाष एन. पाटील, कनिष्ठ लिपीक आर. के. पाटील, प्रमोद ठाकरे, गणेश निंबोळकर, हर्षल नेरपगारे, जयश्री पाटील, संगीता पाटील, आर. के. साळुंखे, प्रकाश काजळे, जावेद पटेल, जितेंद्र भोळे, समांतर विधी सहायक सचिन पवार आदींनी सहकार्य
केले.
