रिलायन्स इंडस्ट्रीज लिमिटेडने सलग पाचव्यांदा गुंतवणूकदारांना सर्वाधिक परतावा दिला. त्यामुळे रिलायन्स इंडस्ट्रीज ही संपत्ती निर्माण करणारी सर्वांत मोठी कंपनी म्हणून उदयास आली आहे. मुंबई बेस्ड ब्रोकरेज फर्म मोतीलाल ओसवाल यांनी १४ डिसेंबर रोजी २८ वा संपत्ती निर्मिती अभ्यास अहवाल जारी केला. या अहवालात ही माहिती आहे.रिलायन्स इंडस्ट्रीजने २०१८ ते २०२३ या कालावधीत (३१ मार्च २०२३ पर्यंत) ९.६३ लाख कोटी रुपयांची भर घातली आहे. अहवालानुसार, यादीतील शीर्ष १०० तयार
केलेल्या एकूण संपत्तीत रिलायन्सचे योगदान १३.७ टक्के इतके आहे.रिलायन्स व्यतिरिक्त सर्वाधिक संपत्ती निर्माण करण्याच्या बाबतीत आघाडीच्या पाच कंपन्यांमध्ये टीसीएस, आयसीआयसीआय बँक, इन्फोसिस आणि भारती एअरटेल यांचाही समावेश आहे. या कंपन्यांनी आपल्या गुंतवणूकदारांना सर्वाधिक नफाही मिळवून दिला आहे. यानंतर संपत्ती निर्माण करणाऱ्या कंपन्यांच्या यादीत हिंदुस्थान युनिलिव्हर, स्टेट बैंक ऑफ इंडिया, बजाज फायनान्स, अदानी एंटरप्रायझेस आणि एचसीएल टेक्नॉलॉजीज आहेत.
