देशातील सर्वात मोठी आणि जुनी विमा कंपनी असलेल्या भारतीय आयुर्विमा महामंडळाची कार्यालये देखील 30 आणि 31 मार्च म्हणजेच शनिवार आणि रविवारी उघडी राहतील. वास्तविक, एलआयसीने ३१ मार्चला लक्षात घेऊन शनिवार आणि रविवारीही कार्यालय सुरू ठेवण्याचा निर्णय घेतला आहे. ३१ मार्च हा चालू आर्थिक वर्षाचा शेवटचा दिवस आहे. अशा परिस्थितीत, या आर्थिक वर्षाशी संबंधित कोणतेही काम शेवटच्या दिवशी पूर्ण करण्यात ग्राहकांना कोणतीही अडचण येऊ नये, यासाठी एलआयसीसह अनेक विमा कंपन्यांनी शनिवार व रविवारच्या दिवशीही कार्यालये उघडण्याचा निर्णय घेतला आहे.
एलआयसीची सर्व कार्यालये शनिवार-रविवारी सुरू राहतील
पॉलिसीधारकांच्या सोयीसाठी, भारतीय विमा नियामक आणि विकास प्राधिकरण (IRDAI) ने सर्व विमा कंपन्यांना 30 आणि 31 मार्च म्हणजेच शनिवार आणि रविवारी त्यांची कार्यालये उघडी ठेवण्याचा सल्ला दिला होता. यानंतर एलआयसीने शनिवार आणि रविवारी कार्यालये सुरू करण्याबाबत माहिती दिली आहे. एलआयसीच्या सर्व शाखा शनिवार आणि रविवारी सामान्य दिवसांप्रमाणे काम करतील. अशा परिस्थितीत, जर तुम्हाला एलआयसीशी संबंधित कोणतेही महत्त्वाचे काम पूर्ण करायचे असेल, तर तुम्ही ते वीकेंडलाही पूर्ण करू शकता.
