भारतीय क्रिकेट संघाचा युवा फलंदाज शुभमन गिल याची बीसीसीआयने वर्षातील सर्वोत्कृष्ट भारतीय क्रिकेटपटू म्हणून निवड केली आहे. हैदराबाद येथे होणाऱ्या पुरस्कार सोहळ्यात बीसीसीआय त्याला हा पुरस्कार देऊन सन्मानित करणार आहे. याशिवाय बीसीसीआयने रवी शास्त्री यांना विशेष पुरस्कार देण्याचा निर्णयही घेतला आहे.
भारतीय क्रिकेट संघाचा युवा फलंदाज शुभमन गिल याला बीसीसीआयने विशेष पुरस्कार देण्याचा निर्णय घेतला आहे. बीसीसीआय दरवर्षी पुरस्कार देते ज्यामध्ये वर्षभर चांगली कामगिरी करणाऱ्या खेळाडूंचा गौरव केला जातो. गिलची गेल्या वर्षीची कामगिरी लक्षात घेऊन बीसीसीआयने त्याची वर्षातील सर्वोत्तम भारतीय क्रिकेटपटू म्हणून निवड केली आहे. बीसीसीआय मंगळवारी हैदराबादमध्ये हे पुरस्कार प्रदान करणार आहे.भारतीय संघाचे माजी प्रशिक्षक रवी शास्त्री यांनाही बीसीसीआय विशेष पुरस्कार देणार आहे. बीसीसीआयने शास्त्री यांना जीवनगौरव पुरस्कार देण्याचा निर्णय घेतला आहे. शास्त्री हे 2017 ते 2021 पर्यंत टीम इंडियाचे प्रशिक्षक होते.
गिलचे वर्ष २०२३ कसे होते?
गिलने 2023 मध्ये सहा कसोटी सामने खेळले ज्यात त्याने 28.66 च्या सरासरीने 258 धावा केल्या. या काळात त्याच्या बॅटमधून शतक झाले. गिलने 2023 मध्ये एकदिवसीय सामन्यांमध्ये दमदार फलंदाजी केली. या फॉरमॅटमध्ये गिलने 29 सामने खेळले आणि 63.36 च्या सरासरीने 1584 धावा केल्या. यावर्षी त्याच्या बॅटमधून पाच शतके आणि नऊ अर्धशतके झाली. T20 मध्ये, गिलने यावर्षी 13 सामने खेळले आणि 26 च्या सरासरीने 126 धावा केल्या. या फॉरमॅटमध्ये त्याने एक शतक आणि एक अर्धशतक झळकावले.
