सोयगाव: श्री.अमृतेश्वर शिक्षक सहकारी पतसंस्था सोयगाव चेअरमन पदाची निवड गुरुवार रोजी अध्यासी अधिकारी संजय गाजुलवाड यांचे अध्यक्षतेखाली व सहकारी गटसचिव दिलीप रावणे यांच्या उपस्थितीत पतसंस्थेच्या कार्यालयात मोठ्या उत्साहात पार पडली. शिक्षक सहकार पॅनलचे शेख शकुर हुस्नोद्दीन यांची चेअरमन पदी बिनविरोध सर्वानुमते निवड करण्यात आली. तसेच मानद सचिव पदी संदीप सोनवणे,व व्हाईस चेअरमन पदी रघुनाथ काटोले यांची निवड कायम ठेवण्यात येऊन पुढील काळासाठी नूतन चेअरमन यांची बिनविरोध निवड करण्यात आली आहे.
यावेळी उपस्थित पॅनल प्रमुख दिवाकर चोपडे,भास्कर चौधरी,अनिल निकम,राजेश जंजाळ,माजी चेअरमन कृष्णा पाटील,यांनी तसेच राजेंद्र नगरे व सहकार पॅनलचे संचालक संतोष वाघ,दुर्गादास बलांडे,विठ्ठल राठोड,पंकज रगडे,संदिप चौधरी व सहशिक्षक अनिल ठाकूर,प्रशांत पाटील यांनी नवीन निवड झालेले चेअरमन शेख शकुर,सचिव संदिप सोनवणे,व्हा. चेअरमन रघुनाथ काटोले यांचे पुष्पगुच्छ देऊन सत्कार करण्यात आला व पुढील कार्यास शुभेच्छा दिल्या.यावेळी संस्थेचे कर्मचारी रामदास फुसे,प्रमोद जाधव,रमेश वामने उपस्थित होते.म.रा.शिक्षक संघ व समविचारी शिक्षक मित्र परिवार प्रणित शिक्षक सहकार पॅनल चे सर्व समर्थक शिक्षक व मित्र परिवार यांचे आभार नूतन चेअरमन शकुर शेख यांनी आपल्या मनोगतात मांडले. तसेच यावेळी पतसंस्थेचे कर्मचारी रामदास फुसे,प्रमोद जाधव,रमेश वामने यांनी कार्यक्रमास्थळी मोलाचे सहकार्य केले.
