आता २०२३ वर्ष संपणार आहे पण महागाई अजून संपत नाही आहे.सर्वच जीवनावश्यक वस्तू महाग झाल्याचे पाहिला मिळत आहे, अश्यातच नागरिकांसाठी एक आनंदाची बातमी समोर आली आहे. केंद्रीय अर्थ मंत्रालयातील सूत्रांनी एका वृत्तवाहिनीला ही माहिती दिली आहे. येत्या काही दिवसांत इंधनाच्या दरात मोठी कपात होऊ शकते, त्यामुळे पेट्रोल आणि डिझेलच्या किमतीत लक्षणीय घट होणार असल्याचे सूत्रांनी सांगितले.
विशेष म्हणजे महागडे इंधन पाहता सरकार येत्या काही दिवसांत देशातील जनतेला चांगली बातमी देऊ शकते, असे सूत्रांनी मीडिया चॅनलला सांगितले. 2024 च्या लोकसभा निवडणुकीपूर्वी सरकार इंधनाच्या किमतीत 10 रुपयांपर्यंत मोठी कपात करू शकते, ज्यामुळे सामान्य माणूस महागाईच्या तडाख्यापासून स्वतःचा बचाव करू शकेल.अशा परिस्थितीत सरकारने येत्या काही दिवसांत इंधनाचे दर कमी करण्याचा निर्णय जाहीर केल्यास सर्वसामान्यांना दिलासा देणारी बातमी ठरेल,
देशात पेट्रोल आणि डिझेलच्या किमती किती आहेत?
दिल्लीसह देशातील अनेक राज्यांमध्ये सध्या पेट्रोल आणि डिझेलचे दर गगनाला भिडले आहेत. दिल्लीत पेट्रोल 96.72 रुपये प्रति लिटर आणि डिझेल 89.62 रुपये प्रति लीटर विकले जात आहे. तर मुंबईत पेट्रोल 106.31 रुपये आणि डिझेल 94.27 रुपये प्रति लिटर दराने उपलब्ध आहे. तर कोलकात्यात पेट्रोल 106.03 रुपये आणि डिझेल 92.76 रुपये प्रति लिटर आहे. तर चेन्नईमध्ये पेट्रोल 102.63 रुपये आणि डिझेल 94.24 रुपये प्रति लिटर दराने विकले जात आहे.
