हैदराबाद : ‘पुष्पा’तील गाण्याने लोकप्रिय झालेली अभिनेत्री सामंथा रूथ प्रभू गेल्या काही महिन्यांपासून अभिनयापासून लांब आहे. विश्रांतीसाठी तिने काही दिवसांचा ब्रेक घेतला आहे. मात्र, आता ती पुन्हा मनोरंजन जगतात परतत असून, तिने स्वतःच्या प्रॉडक्शन हाऊसची घोषणा केली आहे. ‘ट्रालाला मूव्हिंग पिक्चर्स’ असे तिच्या प्रॉडक्शन हाऊसचे नाव आहे. नव्या युगातील नवीन विचार आणि मध्यवर्ती कल्पना याद्वारे समोर आणल्या जातील, असे तिने सांगितले. या नव्या जबाबदारीसाठी तिचे अभिनंदन होत असून, शुभेच्छांचा वर्षाव केला जात आहे.
