सध्या हिवाळ्याचे दिवस सुरु आहेत.या दिवसात संपूर्ण बाजारपेठ विविध प्रकारच्या हिरव्या, लाल, पिवळ्या आणि रंगीबेरंगी भाज्यांनी भरलेली दिसते.या हंगामी भाज्या केवळ तुमच्या जेवणाची चवच वाढवत नाहीत तर तुमच्या आरोग्यसाठीही या भरपूर फायदेशीर आहेत. या हंगामी भाज्या आपल्या आरोग्यासाठी कशा गुणकारी आहेत जाणून घेऊयात.
गाजर
व्हिटॅमिन ए समृद्ध गाजर डोळ्यांसाठी आणि त्वचेसाठी खूप फायदेशीर आहे. हे एक चांगले अँटी-ऑक्सिडेंट देखील आहे, ज्यामुळे ते वृद्धत्व विरोधी म्हणून काम करते. याशिवाय व्हिटॅमिन के, पोटॅशियम आणि फायबर देखील यामध्ये आढळतात. कोशिंबीर, पुलाव, हलवा यांसारखे पदार्थ गाजरापासून बनवले जातात.
कांद्याची पात
व्हिटॅमिन ए, सी, कॅल्शियम, फॉस्फरस, फोलेट आणि पोटॅशियमने समृद्ध असलेली कांद्याची पात अतिशय पौष्टिक मानली जाते. निरोगी राहण्यासाठी तसेच पचनसंस्था नियंत्रित करण्यासाठी याचे अनेक फायदे आहेत.
कोबी
या कमी-कॅलरी असलेल्या भाजीमध्ये फायबर, व्हिटॅमिन सी, व्हिटॅमिन के आणि मँगनीज भरपूर प्रमाणात असते. हे पाचन तंत्र मजबूत करते, हृदयाच्या आरोग्याची काळजी घेते आणि संक्रमणांपासून संरक्षण करते.
बीट
बीट हा नायट्रेटचा चांगला स्रोत आहे, ज्यामुळे रक्त प्रवाह संतुलित राहतो आणि रक्तदाब नियंत्रणात राहतो. हे फोलेट, मँगनीज, फायबर, पोटॅशियम, लोह आणि व्हिटॅमिन सीचा उत्कृष्ट स्त्रोत आहे. ते सलाड म्हणून खा किंवा सूपमध्ये वापरा.
