भारतीय जनता पक्षाने राज्यसभा निवडणुकीसंदर्भात आणखी एक यादी जाहीर केली आहे. त्यानुसार भारतीय जनता पक्षाचे राष्ट्रीय अध्यक्ष जगत प्रकाश नड्डा गुजरातमधून राज्यसभेवर जाणार असून, पक्षाने महाराष्ट्रातून अशोक चव्हाण यांच्या नावाची घोषणा केली आहे.
भारतीय जनता पार्टीने जगत प्रकाश नड्डा यांच्याशिवाय गोविंदभाई ढोलकिया, मयंकभाई नायक आणि जशवंतसिंग सलामसिंग परमार यांना राज्यसभेचे तिकीट देण्यात आले आहे. अशोक चव्हाण यांच्याशिवाय महाराष्ट्रातून मेधा कुलकर्णी आणि अजित गोपघडे यांना पक्षाने उमेदवारी दिली आहे.
