बीड : लग्नाचे आमिष दाखवून अनेक महिलांची फसवणूक झाल्याची घटना आपण सोशल मीडियावर वाचत असतोच, अशीच एक घटना बीड शहरात समोर आली आहे. एका खाजगी रुग्णालयात नोकरी करत असलेल्या ३० वर्षीय विवाहित महिलेला २३ वर्षीय तरुणाने लग्नाचे आमिष दाखवलं. तसेच सतत दोन वर्ष बलात्कार केल्याची घटना घडली आहे. याप्रकरणी माजलगाव शहर पोलिसांत गुन्हा दाखल करण्यात आला.
नेमका प्रकार काय ?
सूत्रानुसार, शहरातील एका खाजगी रुग्णालयात मागील काही वर्षांपासून ३० वर्षीय विवाहित महिला नर्स म्हणून काम करत होती. तिच्यासोबत या रुग्णालयात वार्ड बॉय म्हणून कार्यरत असलेल्या संशियत आरोपी दादासाहेब तौर (वय २३ ) याची व पीडित महिलेची ओळख झाली. त्यानंतर ओळखीचे रूपांतर प्रेमामध्ये झाले. या दरम्यान युवकाने महिलेस लग्नाचे आमिष दाखवलं आणि त्यानंतर दोघेही ‘लिव्ह इन’ रिलेशनशिपमध्ये राहू लागले.
संशयित आरोपी
या कालावधीत तरुणाने सतत तिच्यावर बलात्कार केला. पीडित महिला वारंवार लग्न करण्याची मागणी करत होती. मात्र दादासाहेब हा लग्नास टाळाटाळ करू लागला. यामुळे पीडित महिलेने माजलगाव शहर पोलिसात दिलेल्या फिर्यादी दिली. त्यानुसार संशियत आरोपी दादासाहेब तौर याच्याविरोधात बलात्कार व ॲट्रॉसिटीचा गुन्हा दाखल करण्यात आला. दरम्यान, संशयित आरोपी फरार असून या प्रकरणाचा पुढील तपास सहाय्यक पोलीस अधीक्षक डॉ. बी. धिरज कुमार बच्चू हे करत आहे.
