---Advertisement---
यावल : यावल तालुक्यातील डांभूर्णी येथे एका 200 लिटर पाण्याच्या टाकीत बुडाल्याने 25 वर्षीय तरुणाचा मृत्यू झाला. तरुण डांभूर्णीनंतर त्याला तातडीने यावल ग्रामीण रुग्णालयात आणण्यात आले असता डॉक्टरांनी तपासणी करून त्याला मृत घोषित केले. याप्रकरणी यावल पोलिसात अकस्मात मृत्यूची नोंद करण्यात आली. डांभूर्णी गावातील रहिवासी एकनाथ उर्फ भुरा मनोहर धनगर (25) हा तरुण गल्लीतील 200 लिटर पाण्याच्या टाकीमध्ये तोल जाऊन पडल्याने मृत झाला. हा प्रकार निदर्शनास आल्यानंतर त्याला यावल ग्रामीण रुग्णालयामध्ये आणण्यात आले असता वैद्यकीय अधिकारी डॉ.मयूर चौधरी यांनी तपासणी करून त्याला मृत घोषित केले. अधिक तपास हवालदार नरेंद्र बागुले करीत आहे.
