---Advertisement---
जळगाव : जळगाव जिल्हा धनगर समाज महासंघ, मल्हार सेना, कर्मचारी संघटना, अहिल्या महिला संघ व सकल धनगर समाजाच्या संयुक्त विद्यमाने दीपक बोराडे यांच्या जालना येथे सुरू असलेल्या उपोषणास पाठिंबा दर्शविण्यासाठी सकल धनगर समाजाचे प्रमुख नेते अरविंद देशमुख (संचालक दूध फेडरेशन जळगाव), मल्हार सेनेचे माजी सरसेनापती सुभाष सोनवणे, महाराष्ट्र प्रदेश धनगर समाज महासंघ प्रदेश उपाध्यक्ष सुभाष करे, मल्हार सेनेचे प्रदेश सरचिटणीस संदीप तेले यांच्या नेतृत्वात सोमवारी (२२ सप्टेंबर )बैठक घेण्यात आली. या बैठकीत उद्या मंगळवारी ( 23 सप्टेंबर) जालना येथील उपोषणकर्ते दीपक बोराडे यांच्या समर्थनार्थ व पाठिंबा देणारे निवेदन जिल्हाधिकाऱ्यांना देण्याचे ठरविण्यात आले.
दिपक बोराडे हे धनगर समाजाला अनुसूचित जमाती (एस.टी.) प्रवर्गातील आरक्षणाच्या त्वरित अंमलबजावणीच्या मागणीसाठी जालना येथे उपोषणास बसले आहेत. त्यांच्या या लढ्याला पाठिंबा म्हणून जळगाव जिल्ह्यातील विविध संघटनांनी एकत्र येत आपली भूमिका मांडली.
या बैठकीत धनगर समाज महासंघाचे पदाधिकारी, मल्हार सेना कर्मचारी संघटनेचे कार्यकर्ते तसेच अहिल्या महिला संघाच्या सदस्यांचा उत्स्फूर्त सहभाग होता. उपोषणकर्त्यांच्या मागण्यांना शासनाने तातडीने प्रतिसाद द्यावा, अशी मागणी या वेळी करण्यात आली.
यावेळी जिल्हाधिकाऱ्यांना देण्यात येणाऱ्या निवेदनात, धनगर जमातीच्या ऐतिहासिक व सामाजिक परिस्थितीचा आढावा घेऊन त्यांना एस.टी. आरक्षण देण्याची गरज अधोरेखित करण्यात आली. समाजातील युवक, महिला आणि सर्वसामान्य नागरिकांमध्ये वाढत असलेली असंतोषाची भावना लक्षात घेता शासनाने त्वरित निर्णय घेण्याची मागणी केली.
यावेळी बैठकीला धनगर समाज बोर्डिंग जळगाव अध्यक्ष प्रभाकर न्हाळदे, प्रदेश सदस्य अरुण ठाकरे, डॉ. संजय पाटील उत्तर महाराष्ट्र अध्यक्ष मल्हार सेना, दिलीप धनगर जिल्हाध्यक्ष धनगर समाज महासंघ,गणेश बागुल जिल्हाध्यक्ष धनगर समाज कर्मचारी संघटना जळगाव, संतोष कचरे जिल्हा सरचिटणीस कर्मचारी संघटना, तुळशीराम सोनवणे जिल्हा उपाध्यक्ष धनगर समाज कर्मचारी संघटना, डिगंबर सोनवणे,अनिल मनोरे, प्रवीण पवार सचिन धनगर, रामचंद्र चऱ्हाटे, धर्मा सोनवणे, यशवंत शिरोळे, पांडुरंग पवार, अशोक सपकाळे, महेंद्र सोनवणे, दिलीप नाझरकर आदी पदाधिकारी उपस्थित होते..
