---Advertisement---
अडावद ता. चोपडा : भरधाव ट्रकने दिलेल्या धडकेत १९ वर्षीय दुचाकीस्वार युवकाचा जागीच मृत्यू झाला. ही दुर्दैवी घटना आज दि. ३० रोजी दुपारी तीन वाजेच्या सुमारास वडगाव- चांदसणी रस्त्यावर येथील पशु वैद्यकीय दवाखान्यासमोर घडली. या घटनेने हळहळ व्यक्त केली जात आहे.
मिळालेल्या माहितीनुसार, वडगाव- चांदसणी रस्त्यावरुन आर जे ४० जी ए ४१९६ या क्रमांकाची ट्रक महामार्गावर भरधाव वेगाने जात असताना महामार्गावरुन प्लॉट भागाकडे जाणाऱ्या मोटारसायकल क्रमांक एम एच १९ एन ५९७९ वरील आकाश ज्ञानेश्वर पाटील या युवकास अडावद पशु वैद्यकीय दवाखान्यासमोर जबर धडक दिली.
यात आकाशचा जागीच मृत्यू झाला. आजूबाजूला रस्ता वापरणाऱ्या इतरांनी आरडाओरड केल्याने ट्रकचालक ट्रक सोडून फरार झाला. हा अपघात इतका भीषण होता की युवकाच्या डोक्याचा अक्षरशः चेंदामेंदा झाला.
घटनेची माहिती मिळताच अडावद पोलीस स्टेशनचे हे. कॉ. सुनील तायडे, शेषराव तोरे, किरण शिरसाठ, फिरोज तडवी, पो. कॉ. भूषण चव्हाण, प्रदिप पाटील, जयदीप राजपूत, विजय बच्छाव, अक्षय पाटील, दिलीप पाटील यांनी घटनास्थळी धाव घेतली. मयताचे शव पोस्टमार्टमसाठी पाठवून ट्रक व मोटारसायकल पोलीस ठाण्यात जमा केली आहे.
