---Advertisement---
जळगाव : जिल्ह्यातील अवकाळी पावसाची परिस्थिती आता पूर्णपणे संपल्यामुळे, जिल्ह्यात कोरडे वातावरण निर्माण झाले आहे. याचा थेट परिणाम म्हणून उत्तरेकडून येणारे थंड वारे पुन्हा सक्रिय झाले आहे. जळगावकरांना आता थंडीचा कडाका जाणवू लागला असून, जळगावकरांना रेकॉर्डब्रेक थंडीचा सामना करावा लागू शकतो, असा अंदाज हवामान खात्याने वर्तवला आहे.
गुरुवारी पहाटे थंडीची तीव्रता चांगलीच जाणवली. बुधवारी शहराचे रात्रीचे तापमान २१ अंश इतके होते. मात्र, केवळ एकाच दिवसात हे तापमान तब्बल चार अंशांनी खाली येऊन गुरुवारी तापमान १७अंशांपर्यंत घसरले होते.
गेल्या दोन आठवड्यांपासून ढगाळ वातावरणामुळे थंडी जाणवत नव्हती. मात्र, आता उत्तरेकडील जम्मू-काश्मीर, उत्तराखंड आणि हिमाचल प्रदेशात बर्फवृष्टी सुरु झाल्यामुळे, थंड वाऱ्याचा मोठा प्रवाह थेट जळगाव जिल्ह्याकडे येण्याची शक्यता आहे.
जर राज्यात कमी दाबाचे क्षेत्र निर्माण झाले नाही, तर यंदा जिल्ह्यात थंडीचा कडाका अधिक राहण्याची शक्यता असून, जळगावकरांना रेकॉर्डब्रेक थंडीचा सामना करावा लागू शकतो.
आगामी पाच दिवसांत रात्रीच्या तापमानाचा अंदाज
तारीख रात्रीचे तापमान
७ नोव्हेंबर – १७ अंश
८ नोव्हेंबर – १६ अंश
९ नोव्हेंबर – १६ अंश
१० नोव्हेंबर – १७ अंश
११ नोव्हेंबर – १६ अंश
