---Advertisement---
Paytm Payments Bank : भारतीय राष्ट्रीय महामार्ग प्राधिकरण ने पेटीएम FASTag वापरकर्त्यांना इतर बँकेने जारी केलेला नवीन FASTag घेण्याचा सल्ला दिला आहे. NHAI ने सर्व वाहन मालकांना 13 मार्चपर्यंत नवीन फास्टॅग घेण्याचे आवाहन केले आहे. रस्ते वाहतूक आणि महामार्ग मंत्रालयाच्या म्हणण्यानुसार, नवीन फास्टॅग कार्यान्वित करून, वाहन मालक दुहेरी टोल भरणे टाळू शकतील. पेटीएम पेमेंट्स बँकेवर आरबीआयच्या बंदीमुळे हा सल्ला देण्यात आला आहे.
रिझर्व्ह बँकेने पेटीएम पेमेंट्स बँकेला ठेवी घेण्यास बंदी घातली होती. त्याची अंतिम तारीख 15 मार्च आहे. या निर्बंधामुळे, आता पेमेंट्स बँक कोणत्याही प्रकारच्या ठेवी किंवा टॉप अप घेऊ शकत नाही. यामुळे 15 मार्चनंतर पेटीएम फास्टॅग रिचार्ज करता येणार नाही. आरबीआयच्या मार्गदर्शक सूचनांनंतर NHAI ने बुधवारी ही ॲडव्हायझरी जारी केली.
रस्ते वाहतूक आणि महामार्ग मंत्रालयाने आपल्या अधिकृत निवेदनात म्हटले आहे की, आरबीआयच्या मार्गदर्शक तत्त्वांनुसार, 15 मार्चनंतर पेटीएम फास्टॅगमध्ये पैसे जमा करता येणार नाहीत. तथापि, लोक त्यांचे उर्वरित पैसे वापरू शकतील. त्यामुळे लोकांना नवीन फास्टॅग घेण्याचे आवाहन केले जात आहे. पेटीएम फास्टॅगशी संबंधित इतर कोणत्याही माहितीसाठी, वापरकर्ते त्यांच्या बँक किंवा इंडियन हायवेज मॅनेजमेंट कंपनीच्या वेबसाइटवर उपलब्ध FAQ ची मदत देखील घेऊ शकतात.
