अमरावती लोकसभा मतदारसंघामध्ये भाजपने नवनीत राणा यांना उमेदवारी जाहीर केली आहे. त्यांच्या विरोधात काँग्रेससह वंचित आघाडीने उमेदवार उभे केलेले आहेत. त्यातच आता महायुतीमध्ये असलेल्या बच्चू कडूंनी स्वतःच्या पक्षाचा वेगळा उमेदवार निश्चित केला असून उमेदवाराच्या नावाची घोषणा देखील झाली आहे. आज बच्चू कडू यांच्या प्रहार पक्षाकडून नवनीत राणांविरोधात उमेदवाराची घोषणा केली आहे. ठाकरे गटाचे नेते दिनेश बूब यांनी प्रहार पक्षामध्ये प्रवेश केला असून त्यांनी अमरावती लोकसभा मतदारसंघातून उमेदवार म्हणून घोषित केलं आहे.
काय म्हणाले दिनेश बूब ?
आजचा दिवस भावनिक आहे.आयुष्यातील मोठा निर्णय आज घेत आहे. गेल्या अनेक वर्षापासून मी शिवसेनेत आहे. सामाजिक कार्य मोठ्या प्रमाणावर केलं आहे. आमच्या चार पिढ्या या सामाजिक कार्यात आहे. हा शिवसेनेचा पारंपरिक मतदारसंघ आहे. पण एक वर्षांपूर्वी अरविंद सावंत यांनी सांगितलं की इथे शिकसेनेचे काम नाही आणि हा मतदारसंघ काँग्रेसला गेला. अनेक लोकांना प्रश्न पडले मतदान कोणाला करावे. अनेक लोकांनी मला फोन केले की निवडणुकीत उभे राहा. मला भाजप, काँग्रेस, राष्ट्रवादी, प्रहार, शिवसेनेच्या नेत्यांनी फोन केले आणि निवडणुकीत उभे राहायला सांगितलं असल्याचं दिनेश बूब यांनी म्हटलं आहे
