नवी दिल्ली : जम्मू-काश्मीरमधील नियंत्रण रेषेजवळील कुपवाडा जिल्ह्यातील केरन सेक्टरमधील जंगल परिसरातून सुरक्षा दलांनी मोठ्या प्रमाणात शस्त्रास्त्रे आणि दारूगोळा जप्त केला आहे. विशिष्ट गुप्तचर माहितीच्या आधारे, भारतीय लष्कर आणि जम्मू आणि काश्मीर पोलिसांची संयुक्त मोहीम केरन सेक्टर, कुपवाडा येथे सुरू करण्यात आली.
यामध्ये एके ४७ राउंड्स, हँड ग्रेनेड्स, आरपीजी राउंड्स, इम्प्रोव्हाइज्ड एक्सप्लोझिव्ह डिव्हाइसेससाठी साहित्य आणि इतर युद्धसदृश स्टोअरसह शस्त्रास्त्रांचा दारुगोळा आणि स्फोटकांचा खूप मोठा साठा जप्त करण्यात आला आहे, अशी माहिती भारतीय लष्कराच्या श्रीनगरस्थित चिनार कॉर्प्सने दिली आहे.
आगामी विधानसभा निवडणुकीत भारतीय जनता पक्षाच्या उमेदवारांच्या प्रचारासाठी पंतप्रधान नरेंद्र मोदी यांच्या जम्मू-काश्मीर दौऱ्याच्या काही दिवस आधी हे शस्त्रे जप्त करण्यात आली होती. मोदी केंद्रशासित प्रदेशाला दोनदा भेट देतील – पहिली भेट १४ सप्टेंबरला तर दुसरी भेट १९ सप्टेंबरला असणार आहे.
