---Advertisement---
भुसावळ । तुमचा ट्रेनने प्रवास करण्याचा प्लॅन असेल किंवा तुम्ही कुठेतरी जाण्यासाठी आरक्षण केले असेल, तर तुमच्यासाठी ही अत्यंत महत्त्वाची बातमी आहे. रेल्वेच्या ‘नॉन-इंटरलॉकिंग ब्लॉक’मुळे पश्चिम मध्य रेल्वे मार्गावरून धावणाऱ्या काही रेल्वे गाड्यांचा मार्ग बदलण्यात आला आहे, अशी माहिती रेल्वे विभागाने दिली आहे.
---Advertisement---
पश्चिम मध्य रेल्वेच्या जबलपूर विभागात पायाभूत विकासाच्या कार्यांना गती देण्यासाठी कछपुरा स्थानकावर ‘नॉन इंटरलॉकिंग’चे काम करण्यात येत आहे. त्यामुळे गाडी क्र.19013 भुसावळ -कटनी एक्सप्रेस दि. 05 ते 08 ऑक्टोबर 2024 पर्यंत आपल्या प्रारंभिक स्थानकावरून निघून, आपल्या नियोजित मार्गाऐवजी इटारसी-भोपाल-बीना-कटनी मुड़वारा या मार्गाने जाणार आहे.
तर गाडी क्र. 19014 कटनी-भुसावळ एक्सप्रेस दि. 05 आणि 08 ऑक्टोबर 2024 पर्यंत आपल्या प्रारंभिक स्थानकावरून निघून, आपल्या नियोजित मार्गाऐवजी कटनी मुड़वारा-बीना-भोपाल-इटारसी या मार्गाने आपल्या गंतव्यस्थानी पोहचणार आहे.
प्रवाशांनी या पायाभूत सुविधांच्या ब्लॉकमुळे होणाऱ्या गैरसोयीबद्दल रेल्वे प्रशासनाला कृपया सहकार्य करावे, असे आवाहन रेल्वे विभागाकडून करण्यात आले आहे.
