Pahalgam Attack: पहलगाम येथे २२ मार्च रोजी दहशतवाद्यांनी केलेल्या भ्याड हल्ल्यात २६ जणांचा मृत्यू झाला होता. या हल्ल्यामुळे संपूर्ण देशात संतापाची लाट उसळत आहे. पहलगाम दहशतवादी हल्ल्यानंतर भारत सरकार पाकिस्तानविरुद्ध सातत्याने कठोर पावले उचलत आहे.
काश्मीरमधील दहशतवाद्यांचे नेटवर्क उद्ध्वस्त करण्यासाठी, तपास यंत्रणांनी वेगवेगळ्या भागात OGW (Over Ground Workers) चा शोध घेत आहे. तपास यंत्रणांनी अनंतनाग आणि त्रालच्या वेगवेगळ्या भागातून अनेक ओजीडब्ल्यूंना ताब्यात घेतले आहे. याच भागांतून दहशतवाद्यांना हल्ल्यासंबंधित माहिती पुरवली जात होती.
आज तकने दक्षिण काश्मीरमधील अशाच एका OGW (Over Ground Workers) सोबत संवाद साधला आहे. ज्यात त्याने पहिल्यांदाच कबूल केले की त्याने दहशतवाद्यांच्या सूचनांनुसार कसे काम केले, ज्यामध्ये त्यांना अन्न पोहोचवणे, त्यांच्या हालचालींमध्ये मदत करणे आणि सर्वात महत्त्वाचे म्हणजे, भारतीय सैन्याची माहिती देणे यांचा समावेश होता. तसेच, ओजीडब्ल्यूने हे मान्य केले की ओव्हरग्राउंड वर्करशिवाय दहशतवाद्यांना कुठेही हल्ला करता येत नाही.
OGW कसे बनता?
दहशतवादी अशा तरुणाची निवड करतात जो मानसिकदृष्ट्या तयार असतो, घाबरत नाही आणि त्यांना मदत करू शकतो. मुलाखतीत, तरुणाने सांगितले की ओजीडब्ल्यू दहशतवाद्यांना सैन्य आणि पोलिसांच्या उपस्थितीबद्दल माहिती देतात जेणेकरून ते योग्य वेळी हल्ला करू शकतील. या तरुणाने स्पष्टपणे सांगितले की “OGWशिवाय कोणताही दहशतवादी हल्ला शक्य नाही.
भारत सरकारचे पाकिस्तानविरुद्ध कठोर पावले
पहलगाम दहशतवादी हल्ल्यानंतर भारत सरकार पाकिस्तानविरुद्ध सातत्याने कठोर पावले उचलत आहे. यात सर्वात मोठा निर्णय म्हणजे सिंधू पाणी करार स्थगित करणे, त्यानंतर शेजारील देशातील परिस्थिती बिकट होत चालली आहे. दोघांमधील दबावही वाढत आहे. हा निर्णय भारताच्या हिताचा मानला जात आहे कारण करार स्थगित केल्यानंतर देशातील रखडलेल्या जलविद्युत प्रकल्पांना गती देण्यासाठी प्रयत्न केले जातील.
सिंधू पाणी करार स्थगित केल्यानंतर, केंद्रीय गृहमंत्री अमित शहा आणि जलशक्ती मंत्री सीआर पाटील यांच्यात दोन प्रमुख बैठका झाल्या आहेत. या आठवड्यात गृहमंत्री अमित शहा यांच्यासोबत आणखी एक प्रमुख बैठक अपेक्षित आहे.
