भारताला लागला ‘जॅकपॉट’, अंदमानात सापडला खनिज तेलाचा मोठा साठा

इस्रायल आणि हसरे यांच्यातील संघर्ष थांबायचं नाव घेत नाहीये तर आता अमेरिकेने उडी घेतली आहे. मध्ये-पूर्वेत दिवसेंदिवस तणाव वाढताना आणि कच्च्या तेलात दरवाढीचा भडका उडाला असताना अख्ख्या जगाचे टेन्शन वाढले आहे. याच पृष्ठभूमीवर भारताच्या हाती मोठा जॅकपॉट लागण्याची शक्यता आहे.

भारत अंदमान समुद्रात मोठ्या प्रमाणात कच्च्या तेलाचा साठा शोधण्याच्या मार्गावर आहे. भारत कच्च्या तेलाच्या पुरवठ्यासाठी अजूनही दुसऱ्या देशांवर अवलंबून आहे. आपण आपल्या गरजेच्या ८५ टक्के कच्च्या तेलाची आयात इतर देशांकडून करतो. भारत जगातील कच्च्या तेलाचा तिसरा सर्वात मोठा आयातदार देश आहे.

मध्य-पूर्वेत इराण आणि इस्रायल यांच्या संघर्ष पेटला असताना केंद्रीय पेट्रोलियम आणि नैसर्गिक वायू मंत्री हरदीप सिंग पुरी यांनी कच्च्या तेलाच्या साठ्याबाबत मोठा दावा केला आहे. इसापल आणि इराणमधील तणावादरम्यान सध्या कच्च्या तेलाच्या किमतींबद्दल सर्वात मोठी भीती जगाला लागून आहे.

बाजारातील तज्ज्ञांचा असा विश्वास आहे की पश्चिम आशियातील परिस्थिती नियंत्रणात आणली नाही तर भविष्यात कच्च्या तेलाची किंमत १५० च्या पुढे जाऊ शकतात. या दरम्यान, भारताला मोठा तेल साठा सापडत्याची बातमी आली आहे पण, तो अजूनही खोदला जात आहे. भारत सध्या त्याच्या गरजेच्या सुमारे ८५ टक्के तेल इतर देशांकडून आयात करतो. यामध्ये रशिया आणि आखाती देशांचा समावेश आहे. अमेरिका आणि रशियानंतर, तेल आयातीच्या बाबतीत भारत जगात तिसऱ्या क्रमांकावर आहे.

भारताच्या हाती लागला तेलाचा खजिना

हरदीप सिंग पुरी यांनी कच्च्या तेलाच्या साठ्याबाबत मोठा दावा केला, जो बरोबर ठरला तर भारताचे जगातील इतर देशांवरील तेलावरील अवलंबित्व मोठ्या प्रमाणात संपुष्टात येऊ शकते. अंदमान प्रदेशात गयानासारखा तेलाचा साठा सापडला तर भारताला ऊर्जेच्या क्षेत्रात स्वावलंबी होण्याची संधी मिळेल. यासोबतच निर्यात आणि आर्थिक विकासाचा वेग वाढू शकतो. गयाना सध्या जगात कच्च्या तेलाच्या साठ्याच्या बाबतीत १७ व्या क्रमांकावर आहे. जिथे अंदाजे ११.६ अब्ज बॅरल तेल आणि वायूचा साठा आहे. अशा परिस्थितीत, अंदमान प्रदेशात गयानासारखे तेलाचे साठे आढळले तर भारताला ऊर्जेच्या क्षेत्रात स्वावलंबी होण्याची संधी मिळेल. यासोबतच निर्यात आणि आर्थिक विकासाचा वेग वाढू शकेल.

२० ट्रिलियन डॉलर्सची अर्थव्यवस्था !

पुरी म्हणतात की भारतात गयानासारखा शोध लागला तर देशाची अर्थव्यवस्था ३.७ट्रिलियन डॉलर्सवरून २० ट्रिलियन डॉलर्सपर्यंत वाढू शकते. अंदमानमधील तेल साठ्यांचा शोध भारतीय तेल उद्योगासाठी ट्रम्प कार्ड ठरू शकतो. पामुळे भारत केवळ ऊर्जा आयात करणान्या देशापासून ऊर्जा उत्पादक देशात बदलणार नाही तर जागतिक ऊर्जा नकाशावर भारताला एक नवीन ओळख देखील मिळू शकेल