काही दिवसांपूर्वी बाबा सिद्दीकी यांची मुंबईत गोळ्या झाळून हत्या करण्यात आली होती. या हत्येची जबाबदारी बिश्नोई गॅंगने स्वीकारली आहे.बाबा सिद्दीकी यांचे सलमान सोबत असलेल्या चांगल्या संबंधामुळे हि हत्या केल्याची कबुली या गँगने दिली आहे.
बाबा सिद्दिकीच्या मृत्यूला जबाबदार असलेला आणि सलमान खानला सतत धमक्या देणारा गँगस्टर लॉरेन्स बिश्नोईवर सीरिज बनवण्याची चर्चाही सुरू झाली होती. वेब सिरीज बनवण्याची तयारी सुरू आहे. यासोबतच लॉरेन्सच्या जीवनावर आधारित या वेब सीरिजला इंडियन मोशन पिक्चर्स असोसिएशनकडून मंजुरी मिळाल्याची माहिती आहे. 
जानी फायरफॉक्स फिल्म प्रॉडक्शन लॉरेन्सवर वेब सिरीज बनवत आहे, ज्याचे नाव ‘लॉरेन्स-ए गँगस्टर’ आहे. हि वेब सिरीज लॉरेन्सच्या जीवनावर आधारित असणार आहे. ज्यामध्ये त्याचे गुंड बनल्यापासून ते विदेशात त्याचे असलेले नेटवर्क दाखवले जाणार आहे. मात्र, या चित्रपटात लॉरेन्सच्या भूमिकेत कोण दिसणार याचा खुलासा झालेला नाही. पण या मालिकेचे पोस्टर दिवाळीच्या आसपास रिलीज होणार असल्याचे सांगण्यात येत आहे. पोस्टरमध्येच अभिनेता उलगडणार आहे.
‘लॉरेन्स – ए गँगस्टर’ या प्रॉडक्शन हाऊसचे प्रमुख अमित जानी यांनी या मालिकेबद्दल सांगतांना म्हणाले की, मालिकेद्वारे प्रेक्षकांना खऱ्या कथेशी जोडणे हा या मालिकेचा उद्देश आहे. याआधीही जानीने सत्य घटनेवर आधारित अशी मालिका बनवली आहे. त्याने ‘ए टेलर मर्डर स्टोरी’ बनवली, जी उदयपूरमधील टेलर कन्हैया लालवर आधारित आहे, ज्याची त्याच्या दुकानात 2022 मध्ये हत्या झाली होती. याशिवाय पाकिस्तानी महिला सीमा हैदरवरही ‘कराची ते नोएडा’ बनवण्यात आला आहे.
