Amalner Assembly Election Results 2024 : अमळनेर विधानसभा मतदार संघात महायुतीचे मंत्री अनिल भाईदास पाटील हे पुन्हा विजयी झाले आहेत. कार्यकर्त्यांनी जल्लोष करत त्यांचे जोरदार स्वागत केले आहे. अनिल भाईदास पाटील यांनी ३३ हजार ४३५ मतांनी दणदणीत विजय मिळविला आहे.
महायुतीचे उमेदवार मंत्री अनिल भाईदास पाटील हे अमळनेर विधानसभा मतदार संघांतून पुन्हा विजयी झाले आहेत. त्यांना भाजपचे बंडखोर नेते माजी आमदार शिरीष चौधरी यांनी त्यांच्या पुढे आव्हान होते. तर महाविकास आघाडीतर्फे काँग्रेसचे डॉ. अनिल शिंदे यांनी देखील कडवे आव्हान उभे केले होते. या लढाईत अनिल भाईदास पाटील हे ३३ हजार ४३५ मतांनी दणदणीत विजय मिळविला आहे.
अनिल भाईदास पाटील यांना 1लाख 9 हजार 445 मते मिळाली आहेत. अपक्ष उमेदवार शिरीष चौधरी यांना 76 हजार 10 तर डॉ. अनिल शिंदे यांना 13 हजार 798 मते मिळाली आहेत.
जळगाव जिल्ह्यातील मतदारांनी महायुतीला कौल देत सर्व ११ विधानसभा मतदार संघांत महायुतीच्या उमेदवारांना संधी देत असल्याचा चित्र पाहावयास मिळत आहे.
