---Advertisement---
वॉशिंग्टन डीसी : अमेरिकेचे राष्ट्राध्यक्ष डोनाल्ड ट्रम्प यांनी संरक्षण विभागाला (पेंटॅगॉन) तत्काळ अण्वस्त्र चाचणी पुन्हा सुरू करण्याचे आदेश दिले आहेत. त्यांनी म्हटले आहे की ही चाचणी चीन आणि रशियाच्या तुलनेत योग्य पातळीवर असावी. अमेरिकेने शेवटची अण्वस्त्र चाचणी १९९२ मध्ये केली होती.
ट्रम्प यांनी ‘टूथ सोशल’ या सोशल मीडिया प्लॅटफॉर्मवर पोस्ट करत म्हटले की, इतर देशांच्या चाचण्यांच्या पृष्ठभूमीवर त्यांनी युद्ध विभागाला समानतेच्या आधारावर त्वरित अण्वस्त्रांची चाचणी सुरू करण्याचे आदेश दिले आहेत.
ट्रम्प यांनी विशेषतः रशिया आणि चीनचे नाव घेत म्हटले की रशिया दुसऱ्या क्रमांकावर आहे आणि चीन तिसऱ्या क्रमांकावर आहे, परंतु पुढील पाच वर्षांत ते बरोबरी करू शकतात. दक्षिण कोरियामध्ये चीनचे अध्यक्ष शी जिनपिंग यांच्याशी झालेल्या भेटीच्या एक तासापेक्षा कमी वेळ आधी ट्रम्प यांची पोस्ट आली.
१९९६ मध्ये झालेल्या व्यापक अणुचाचणी बंदी करार अंतर्गत भूमिगत अणुचाचण्यांवर बंदी घालण्यात आली होती हे लक्षात घेण्यासारखे आहे. चीन आणि अमेरिका या दोघांनीही या करारावर स्वाक्षरी केली आहे, परंतु अद्याप त्याला औपचारिक मान्यता दिलेली नाही.
अणुचाचण्यांची स्पर्धा लागण्याची शक्यता
संपूर्ण अण्वस्त्र चाचणीमध्ये त्याची विध्वंसक शक्ती, किरणोत्सगचि परिणाम आणि तांत्रिक कार्यक्षमता मोजण्यासाठी जिवंत अणुबॉम्बचा स्फोट केला जातो. या चाचणीमध्ये अणुप्रतिक्रिया समाविष्ट असते. अशा चाचण्या सहसा जमिनीखाली किंवा हवेत केल्या जात असत. रेडिएशनच्या जोखमीमुळे यामुळे एक मोठा पर्यावरणीय आणि राजकीय प्रश्न निर्माण झाला. अमेरिकेने शेवटची २३ सप्टेंबर १९९२ रोजी नेवाडा येथे अणुचाचणी केली होती. त्याच वर्षी तत्कालीन राष्ट्राध्यक्ष जॉर्ज एच.डब्ल्यू. बुश यांनी भूमिगत अणुचाचण्यांवर बंदी घालण्याची घोषणा केली. १९९० नंतर रशिया आणि चीननेही अशा चाचण्या थांबवत्या. आता ट्रम्प या चाचण्या पुन्हा सुरू करण्याचे आवाहन करत आहेत.
